Bannerlardan shopperlar, plastikdan shisha: Ipak Yuli Bank bayramni qanday qilib ekologik toza qilmoqda
120 metr reklama banneri, 70 ta ishlab chiqarilgan shopper va plastik o‘rniga minglab shisha idishlar — Ipak Yuli Bankdan Navruz Recycling loyihasi.
Bu yilgi Navro‘z Ipak Yuli banki uchun nafaqat tabriklar, balki Navruz Recycling loyihasida ekofaollik doirasida yangi “yashil” qadamlar qo‘yish uchun ham sabab bo‘ldi. Bayram bannerlari zamonaviy shopperlarga aylandi, sumalak uchun plastik idishlar o‘rnini shisha idishlar egalladi, bank filiallarida esa batareyalar uchun maxsus eko-qutilar o‘rnatildi. Bankning marketing va PR bo‘yicha direktori Nana Mardoyan bunday loyihalar qanday tug‘ilishi va bank nima uchun barqaror iste’molga e’tibor qaratayotgani haqida so‘zlab berdi.
“Navruz Recycling — bu ongli iste’mol, tabiatga ehtiyotkorona munosabat va barqaror kelajak sari qo‘yilgan yana bir qadam. An’analar va zamonaviy yechimlarni uyg‘unlashtirib, bank kichik narsalardan boshlanadigan, ammo katta ahamiyatga ega bo‘lgan o‘zgarishlarga ilhomlantiradi”, — deydi bankning marketing va PR bo‘yicha direktori Nana Mardoyan.
Ekologik yechimlarni tanlashda qanday falsafaga asoslanasiz?
Biz uchun amaliylik va uzoq muddat foydalanish imkoniyati muhim. Bir martalik buyumlardan iloji boricha voz kechishga harakat qilamiz va qayta ishlash yoki qayta foydalanish mumkin bo‘lgan materiallarni izlaymiz. Hatto mijozlar va xodimlarga sovg‘a berishda ham buyumning bayramdan keyin ham foydali bo‘lib qolishiga e’tibor qaratamiz. Shu bilan birga, mahalliy ishlab chiqaruvchilar bilan hamkorlik qilmoqdamiz — bu karbonat izini kamaytiradi va mahalliy hamjamiyatlarni qo‘llab-quvvatlaydi.
Nima uchun aynan sumalak idishlari va bannerlardan boshladingiz?
Chunki bular eng ommaviy va “bir martalik” narsalardir. Bayramdan so‘ng plastik idishlar darhol chiqindiga aylanadi, shisha bankalarni esa saqlab qo‘yish mumkin. Biz 2000 ta bankani minimal brendlash bilan tarqatdik — yorliq va stikerlarni osonlikcha olib tashlasa bo‘ladi va banka universal holatda qoladi.
Pudratchilar ham tashabbusga ishtiyoq bilan qo‘shildi. Ular go‘zal yechimlarni taklif qildi va biz ekologik tanlov ham chiroyli bo‘lishi mumkinligini angladik.
Bannerlardan sumka yasash g‘oyasi qayerdan paydo bo‘ldi?
Dastlab faqat plastikni almashtirish haqida o‘ylagandik. Ammo tayyorgarlik jarayonida jamoa bannerlarni ham qayta ishlashni taklif qildi. 400 kvadrat metr materialdan 100 ta shopper tayyorlandi. Bu bayramdan keyin reklama vositalari kundalik buyumga aylanishiga misol bo‘ldi.
Bu yil bank batareyalar uchun qutichalar ham o‘rnatdi. Bu tashabbus qanday tashkil etilgan?
2025-yil uning boshlanish nuqtasi bo‘ldi. Respublika bo‘ylab barcha filiallarda katta eko-qutilar joylashtirdik. Hozirgi maqsadimiz — odamlarni batareyalarni umumiy chiqindiga emas, maxsus joylarga topshirishga o‘rgatish. Hozircha raqamlar haqida gapirishga erta, natijalar — yig‘im hajmi va batafsil audit — yil oxirida e’lon qilinadi.
Ushbu tashabbusni uzoq muddatli asosda davom ettirishni rejalashtirmoqdamiz. Qutilar to‘lishi bilan bank xodimlari ularni olib chiqib, qayta ishlashga topshirishni tashkil etadi. Hozirdanoq g‘oya samarali ishlayotgani ko‘rinib turibdi: konteynerlar bo‘sh turmayapti.
Amaliyotni kengaytirishni rejalashtiryapsizmi?
Albatta. Biz boshqa formatlarni ham ko‘rib chiqyapmiz — ekomahsulotlardan tortib yangi hamkorlikkacha. Biz uchun hatto kichik qadamlar ham natija berishini ko‘rsatish muhim. Plastik idish shisha idishga, banner esa sumkaga aylanganida, odamlar barqaror iste’mol haqiqatan ham mumkin va imkoni bor ekanini ko‘radi.
Shunday qilib, bank asta-sekin xodimlarni ham, mijozlarni ham ruhlantirgan holda, ekologik tanlov madaniyatini shakllantirmoqda. Zero, har bir qayta ishlangan banner va har bir topshirilgan batareya ertangi kunga o‘z hissasini qo‘shadi.
Loyiha haqida batafsil ma’lumotni havola orqali olish mumkin.
Sayt: ipakyulibank.uz
Facebook: fb.com/ipakyulibankuz
Instagram: @ipakyulibank
Reklama huquqlari asosida.