Toshkentda ochiq havoda sport bilan shug‘ullanish mumkin bo‘lgan 9 ta joy va hamjamiyatlar
Sport bilan yopiq va dim zallar o‘rniga ochiq havoda shug‘ullanish uchun g‘oyalar to‘plamini tayyorladik.
Toshkentdagi yozgi jazirama nihoyat chekinib, harorat qariyb 10 °C ga pasaydi — bu esa ochiq havoda mashg‘ulotlarni kundalik hayotga qaytarish uchun ajoyib fursat. Biz sport bilan qayerda va kimlar bilan shug‘ullanish mumkinligi haqida g‘oyalar to‘plamini tayyorladik: minimal to‘lov evaziga doʻstona kommyunitilardan tortib, tabiat qo‘ynida mustaqil mashg‘ulotlar uchun qulay bo‘lgan bog‘largacha, shuningdek, odatiy mashg‘ulotlarni ochiq havoda o‘tkazadigan sport tashkilotlarigacha.
Sport hamjamiyatlari
Die Hard Tashkent
Die Hard Running Tashkent — 2021-yilda tashkil etilgan yugurish hamjamiyati. Har hafta Botanika bog‘ida peysmeyker ishtirokidagi guruh mashg‘ulotlari tarzida yugurishlar o‘tkaziladi. Ishtirokchilar 20 km dan boshlab masofalarni “negativ split” uslubida, 1 km uchun 6:00 dan 4:00 daqiqagacha tezlikda bosib o‘tadilar.
Mashg‘ulotlar har yakshanba, qanday ob-havo boʻlishidan qat’i nazar o‘tkaziladi. Yugurish ertalab soat 7:00 da, toʻplanish esa 6:50 da boshlanadi.
Die Hard maqsadi — havaskorlar orasida yugurish madaniyatini rivojlantirish va professional bo‘lmagan sportchilar orasida tez yuguruvchilar sonini oshirish.
Ishtirok etish bepul, biroq boshlashdan oldin sayt orqali ro‘yxatdan o‘tish talab qilinadi. Xarajatlardan faqat bog‘ga kirish uchun — 15 000 so‘m, va zarurat bo‘lsa, kiyinish xonasidan foydalanish uchun — 2 000 so‘m to‘lanadi.
Instagram:@phoenix_pack_run.
Sayt: https://about.diehard.run
Manzil: Toshkent botanika bog‘i, akademik F. N. Rusanov nomidagi.
Tashkent Runners
Haftalik yugurishlarda turli tayyorgarlik darajasiga ega insonlarni birlashtiruvchi yugurish hamjamiyati.
Yugurishlar muntazam ravishda haftada uch marta — seshanba, payshanba va shanba kunlari, ertalab va kechqurun o‘tkaziladi. Start joylari:
- Ecopark, futbol maydoni yonida — soat 6:30 da;
- Jasorat monumenti maydoni — soat 19:00 da.
Ertalabki mashg‘ulotlar vaqti o‘zgarishi mumkin — shuning uchun klubning hisobidagi jadvalni kuzatib borish tavsiya etiladi. Ishtirok etish erkin va bepul, faqat sport oyoq kiyimida bo‘lish kerak.
Instagram: @tashkentrunners.
Mashg‘ulotlar uchun bog‘lar
Ecopark
Faol dam olish uchun shaharning eng mashhur bog‘laridan biri. Bu yerda sport maydonchalari, sayr yo‘laklari, sport bilan shug‘ullanish zonalari mavjud — barchasi jihozlangan va ma’muriyat nazoratida.
Telefon: (+998) 99−858−8846.
Instagram: @ecopark.tashkent.
Ish vaqti: har kuni soat 6:00 dan 00:00 gacha.
Manzil: Maxtumquli ko‘chasi, 80/1A.
Tashkent City Park
Zamonaviy shahar bog‘i hududida bolalar va kattalar uchun mo‘ljallangan ko‘cha trenajyorlari o‘rnatilgan sport maydonchasi mavjud. Istalgan kishi ulardan bepul foydalanishi mumkin. Shuningdek, yuguruvchilar uchun maxsus piyodalar yo‘laklari ajratilgan, bu esa mashg‘ulotlarni yengillashtiradi. Bundan tashqari, bu yerda barcha zarur jihozlar bilan ta’minlangan bepul basketbol maydoni ham mavjud.
Bog‘ning afzalligi shundaki, u ertalab soat 11:00 gacha avtomobillarning kirishi taqiqlanadi — bu hududdagi odamlar sonini kamaytiradi va tonggi mashg‘ulotlarni xotirjam o‘tkazish imkonini beradi.
Telefon: (+998) 71−205−2300.
Instagram: @tashkentcitypark.
Ish vaqti: har kuni soat 11:00 dan 23:00 gacha.
Manzil: O‘qchi ko‘chasi, 2-uy.
Yangi O‘zbekiston bog‘i
“Yangi O‘zbekiston” bog‘i Toshkentning eng katta bog‘laridan biri hisoblanadi. Tog‘larga yaqinligi tufayli bu yerda havo toza, keng va tartibli yo‘laklari esa yugurish, piyoda sayr qilish hamda shaxsiy harakatlanish vositalarida harakatlanish uchun juda mos.
Bog‘ hududi faol dam olish va sport uchun puxta infratuzilma bilan ajralib turadi: velosiped, rolik va samokatlar uchun maxsus maydonlar mavjud, ularni shu yerning o‘zida ijaraga olish mumkin. Shuningdek, bolalar va kattalar uchun sport maydonchalari, hamda suzish va dam olish uchun jihozlangan plyajli ko‘l ham bor.
Bu joy toza havoda ham yakka tartibdagi mashg‘ulotlar, ham oilaviy hordiq chiqarish uchun juda qulay va mos keladi.
Telefon: (+998) 77−361−1515.
Instagram: @yangiozbekistonbogi.
Telegram: yangiozbekistonpark.
Ish tartibi: har kuni soat 10:00 dan 23:55 gacha.
Sport infratuzilmasi
Ecopark
Bog‘ hududida to‘rtta o‘yin maydonchasi mavjud:
- qum qoplamali voleybol maydonchasi;
- mini-futbol maydonchasi;
- badminton o‘ynash joyi;
- stol tennisi uchun maydon.
O‘yinlar narxi — soatiga 35 000 so‘mdan boshlanadi.
Shuningdek, ko‘cha trenajyorlarida mashq qilish uchun alohida maydon mavjud. Kirish narxi 3 000 so‘m, vaqt cheklanmagan.
Telefon: (+998) 95−146−0305.
Instagram: @ecopark.tashkent.
Ish vaqti: har kuni ertalab soat 6:00 dan tun 00:00 gacha.
Tijorat tashkilotlari
Run Lab
Yangi boshlayotganlar va tajribali yuguruvchilar uchun ochiq bo‘lgan havaskor yugurish jamoasi. Asosiy e’tibor salomatlik, individual yondashuv va do‘stona muhitga qaratilgan.
Mashg‘ulotlar professional murabbiylar rahbarligida mustahkam texnika va har bir ishtirokchining maqsadlariga e’tibor qaratgan holda o‘tkaziladi.
Jamoaning maqsadi — turli yo‘l va maqsadlarga ega bo‘lsa-da, yugurishga bo‘lgan muhabbat birlashtiradigan hamfikr hamjamiyatni yaratish.
Mashg‘ulotlar jadvali:
- dushanba, chorshanba, juma — 19:00 dan 20:00 gacha;
- seshanba, payshanba, shanba:
- soat 7:00 dan 8:00 gacha;
- soat 19:00 dan 20:00 gacha;
- soat 20:00 dan 21:00 gacha.
Abonement narxlari:
- 12 ta mashg‘ulot — 1 100 000 so‘m;
- 8 ta mashg‘ulot — 900 000 so‘m;
- bir martalik mashg‘ulot — 120 000 so‘m.
Abonement narxiga stadion uchun to‘lov ham kiradi. Abonement bir oy davomida amal qiladi.
Telefon: (+998) 90−133−3777.
Instagram: @run_lab_uz.
Manzil: Islom Karimov ko‘chasi, 69.
“Бег с удовольствием”
Sog‘lomlashtiruvchi yugurishni sevuvchilar hamjamiyati. Jarohatlarsiz hamda toʻgʻri texnika bilan yugurishni oʻrganmoqchi boʻlganlar uchun. Kurs 21 kun davom etadi va istalgan darajadagi ishtirokchilar uchun mos keladi — mutlaqo yangi boshlovchilardan tortib, texnikasini yaxshilamoqchi bo‘lganlargacha.
Mashg‘ulotlar professional murabbiy nazoratida o‘tkaziladi. 45 daqiqalik dars davomida ishtirokchilar to‘liq mashg‘ulot o‘tadilar: qizish mashqlari, 10−15 daqiqalik yugurish va streching. Uch hafta ichida ishtirokchilarga nazariy asoslar tushuntiriladi, to‘g‘ri qizish va mashg‘ulot vaqtida to‘g‘ri nafas olish o‘rgatiladi, shuningdek texnikaga alohida e’tibor qaratiladi.
Dastlabki ikki hafta davomida har ish kuni mashg‘ulotlar har ish kuni murabbiy bilan o‘tkaziladi. Uchinchi hafta va dam olish kunlarida esa ishtirokchi mustaqil yuguradi va natijalarini chatga hisobot sifatida yuboradi.
Mashg‘ulotlar kichik guruhlarda o‘tkaziladi. Ishtirokchilar — 18 dan 60 yoshgacha.
- 1-guruh — soat 5:40 da;
- 2-guruh — soat 6:20 da;
- 3-guruh — soat 7:05 da.
Dastur narxi qat’iy belgilanmagan — ishtirokchi mashg‘ulotlardan olgan foydasiga qarab, o‘zi to‘g‘ri deb hisoblagan summani to‘laydi. To‘lov murabbiy bilan oxirgi mashg‘ulotda amalga oshiriladi.
O‘rtacha to‘lov — 560 000 so‘m. Boshlashdan oldin 25 000 so‘m depozit kiritish va sayt orqali ariza topshirish talab qilinadi.
Dastlabki to‘rt kun sinov muddati bo‘lib, agar darslar to‘g‘ri kelmasa, to‘lovsiz ketishingiz mumkin. Ammo ishtirokchi beshinchi kunda davom etsa, to‘lov majburiy hisoblanadi.
Instagram: @run21_day_uz.
Sayt: https://enjoytherun.kz/begtashkent.
Manzil: Ecopark.
Ochiq havoda yoga
Apreldan oktyabrgacha, har yakshanba kuni Ecoparkning ochiq terrasasida yoga mashg‘ulotlari o‘tkaziladi. Darslarni O‘zbekiston Yoga Federatsiyasi a’zosi, malakali mutaxassis Eldana Magdiyeva olib boradi.
Mashg‘ulotlar yangi boshlovchilar uchun ham, tajribali shug‘ullanuvchilar uchun ham mos. Barcha ishtirokchilar o‘zlari bilan gilamcha olib kelishlari kerak. Tabiat qo‘ynida mashq qilish chuqurroq dam olishga va ichki muvozanatni tiklashga yordam beradi. Bir dona mashgʻulot narxi — 70 000 soʻm.
Instagram: @yoga.with.eldana.
Vaqti: yakshanba, soat
Manzil: Ecopark.
Befit Sky Climbing wall
Oʻzbekistondagi birinchi ochiq qoya maydoni Tashkent City Mall tomida joylashgan. 16,5 metr balandlik va 12 metr kenglikdagi devor 10 ta turli murakkablik darajasidagi yo‘nalishlarni taklif etadi. Shu tufayli u ham yangi boshlovchilar, ham tajribali alpinistlar uchun qulay.
Devorning oʻziga xos jihati — savdo markazi tomidan shaharga ochiladigan hayratlanarli manzara, ayniqsa kechgi mashg‘ulot paytida. Har bir dars professional va tajribali murabbiylar nazoratida o‘tkaziladi.
5 kishigacha boʻlgan guruh mashg‘ulotlari:
- dushanba, chorshanba va juma — soat 20:00 da;
- seshanba, payshanba va shanba — soat 10:00 da.
12 ta mashgʻulot narxi — 1 800 000 so‘m.
Individual mashg‘ulotlar mijoz uchun qulay vaqtda oʻtkaziladi, bir martalik tashrif narxi soatiga 275 000−350 000 so‘m.
Telefon: (+998) 95−000−0000.
Instagram: @befitsky.uz.
Manzil: Olmazor ko‘chasi, 2A.
Muallif: Fotima Yusupova