Oʻzbekistonda bir kilogramm osh tayyorlash qanchaga tushadi?

Milliy statistika qoʻmitasi hududlarda bir kilogramm osh tayyorlash qanchaga tushishi haqida ma’lumotlar e’lon qildi. Barcha viloyatlarda raqamlar 6 xonali, faqatgina Qoraqalpogʻistonda 5 xonali.

2025-yilning sentyabr oyi holatiga koʻra, hududlar kesimida hisoblangan qiymatlar quyidagicha (raqamlar yaxlitlangan):

• Qoraqalpog‘iston R. — 99 800 so‘m
• Andijon viloyati — 107 200 so‘m;
• Buxoro viloyati — 110 100 so‘m;
• Jizzax viloyati — 111 600 so‘m;
• Qashqadaryo viloyati — 113 600 so‘m;
• Navoiy viloyati — 111 100 so‘m;
• Namangan viloyati — 110 800 so‘m;
• Samarqand viloyati — 114 700 so‘m;
• Surxondaryo viloyati — 113 400 so‘m;
• Sirdaryo viloyati — 107 000 so‘m;
• Toshkent viloyati — 115 200 so‘m;
• Farg‘ona viloyati — 117 000 so‘m;
• Xorazm viloyati — 108 300 so‘m;
• Toshkent shahri — 119 300 so‘m.

Ushbu hisob-kitoblar bir kilogramm osh tayyorlash uchun kerak boʻladigan mahsulotlar narxi hisoblangan. Bunda quyidagilar hisobga olingan:

• kungaboqar yog‘i — 0,3 l;
• piyoz — 300 gr;
• mol go‘shti — 700 gr;
• sabzi — 1 kg;
• guruch — 1 kg;
• no‘xat — 100 gr;
• zira — 10 gr;
• osh tuzi — 20 gr.

Qo‘mita yuqoridagi raqamlar hududlarda sotilayotgan bir kilogramm palovning narxiga to‘g‘ri kelmasligi, ularda palov tayyorlash va boshqa xizmatlar haqi ham qo‘shib hisoblanishini qo‘shimcha qilgan.