O‘zbekiston Milliy paviloni jamoasi bilan uchrashuv (16+)

Respublika bolalar kutubxonasi majlislar zalida Venetsiya arxitektura biennalesi uchun O‘zbekiston Milliy paviloni jamoasi bilan uchrashuv bo‘lib o‘tadi.

Venetsiya biennalesi san’at va arxitektura olamidagi eng muhim voqealardan biridir. Har ikki yilda bir marta Venetsiya gʻoyalarning ulkan laboratoriyasiga aylanadi, u yerda butun dunyo boʻylab rassomlar va me’morlar odamlar, koinot va texnologiya qanday oʻzgarib borayotganini oʻrganadilar. Biennale ikkita yoʻnaloshni oʻz ichiga oladi — san’at va arxitektura. 2025-yilgi arxitektura biennalesining mavzusi Intelligens. Natural. Artificial. Collective boʻldi.

O‘zbekiston madaniyati va san’atini rivojlantirish jamg‘armasi ko‘magida tashkil etilgan O‘zbekiston Milliy paviloni Quyosh institutiga — Parkent yaqinidagi noyob ilmiy majmuaga bag‘ishlangan bo‘lib, u 3000 °C gacha haroratgacha yetadigan ulkan quyosh pechi joylashgan. 1987-yilda kosmik tadqiqotlar uchun qurilgan ushbu inshoot bugungi kunda fan, arxitektura va madaniyatni qayta ko‘rib chiqish maskani hamda rassomlar, me’morlar va tadqiqotchilar uchun ilhom manbai hisoblanadi.

“A Matter of Radiance “ loyihasi ko‘rgazmaning yaratilishi haqidagi hikoyalari bilan o‘rtoqlashuvchi, quyosh laboratoriyalarining zamonaviy san’atdagi o‘rni haqida fikr yurituvchi, ilmiy tajribalar qanday yangi ma’no va obrazlarga aylanishi mumkinligini namoyish qiluvchi me’morlar, rassomlar va olimlarni birlashtiradi.

Uchrashuvda olimlar Sulton Sulaymonov va Odilxo‘ja Parpiev, san’atkorlar Ester Sheynfeld, Muxiddin Risqiyev, Azamat Abbosovlar ishtirok etadi. Tadbirga Venetsiya Biennalesidagi O‘zbekiston paviloni kuratori Yekaterina Golovatyuk moderatorlik qiladi.

Til: rus tili, oʻzbek tiliga sinxron tarjimasi bilan.
Tavsiya etilgan yosh: 16+.

Ishtirok etish bepul.

Havola orqali oldindan roʻyxatdan oʻtish talab qilinadi.