Toshkentdagi 177-sonli avtobus yo‘nalishi o‘zgaradi
E’lon qilingan sana: · 107
2025-yil 15-noyabrdan boshlab 177-sonli avtobus yo‘nalishi harakatida o‘zgarishlar kiritiladi.
Endi avtobuslar avvalgi yo‘nalishning oxirgi bekati — “Iftixor” mahallasi bekatidan o‘tib, Yoshlik ko‘chasi orqali harakatlanadi va qatnovni “Keles bozorchasi” (Keles shoh ko‘chasi) bekatigacha davom etadi.
Maʼlum qilinishicha, oʻzgartirishlar yoʻlovchilar uchun yanada qulay sharoitlar yaratish, aholi turar joylari va savdo nuqtalari oʻrtasidagi transport aloqalarini yaxshilash maqsadida kiritilmoqda.