Toshkent va Olmaota o‘rtasida kunlik tezyurar poyezdlar qatnovi yo‘lga qo‘yiladi

2025-yil 14-dekabrdan boshlab Toshkent va Olmaota shaharlari o‘rtasida har kuni Talgo tezyurar poyezdi qatnay boshlaydi.

Qatnovlar kuniga 400 dan ortiq yo‘lovchini tashishga yordam beradi va ikki davlat o‘rtasida barqaror transport aloqasini ta’minlaydi. Yo‘nalishda zamonaviy kupelar, iqlim nazorati tizimi va uzoq masofalarga sayohat qilish uchun yaxshilangan sharoitlarga ega yuqori qulaylikdagi Talgo poyezdlaridan foydalaniladi.

Ushbu qaror Qozog‘iston va O‘zbekiston o‘rtasidagi turizm va ishbilarmonlik aloqalarini rivojlantirishga, shuningdek, yo‘lovchilar uchun qulayliklarni oshirishga qaratilgan bo‘lib, endi ular sayohatlarini aniq kunlarga bog‘lamasdan moslashuvchan tarzda rejalashtirishi mumkin.

Poyezd chiptalarini bilet.railways.kz rasmiy sayti va temir yo‘l vokzallari kassalaridan xarid qilish mumkin bo‘ladi. Poyezdlar harakati haqidagi ma’lumotlarni 1433 raqami yoki tablo-railways.kz onlayn-tablosidan bilib olish mumkin.