Oʻzbekiston bayrogʻi musiqa boʻlganida qanday boʻlardi?

Bugun bayram. Oʻzbekiston Respublikasi davlat bayrogʻi qabul qilingan kun. Ko‘pchilik bu sanani bir xil tabriklar yoki rasmlar bilan eslaydi, lekin aslida bayroq — shunchaki rasmiy ramz emas. Unda biz har kuni yashab yurgan muhit, kayfiyat va tasavvurlarimizning rangli xaritasi bor. Oʻzbekiston bayrogʻida ishlatilgan ranglarning ma’nosini koʻpchilik yaxshi bilsa kerak. Shunday boʻlsa ham bir eslayveraylik:

• havorang — zangori osmon va musaffo suv ramzi. Moviy — havorang Sharqda azaldan qadrlanadi, vaqtida Amir Temur ham oʻz bayrogʻiga bu rangni tanlagan.
• oq rang — tinchlik va poklik timsolidir. Bayroqdagi oq rang Oʻzbekiston Respublikasi tanlagan yoʻlning musaffo va charogʻon boʻlishi uchun yaxshi niyat ramzi;
• qizil yoʻllar — bu har bir tirik jonning qon tomirida urib turgan hayotiy kuch, hayot ramzi;
• yashil rang — serneʼmat va orombaxsh tabiat timsoli. Hozirgi vaqtda esa bunga yana bir ma’no qoʻshilgan: atrof-muhitni muhofaza qilish harakatlari ham xuddi shu rangda ifodalanadi.

Bayroqdagi ranglar birgalikda muvozanat yaratadi — xuddi shahar shovqinida o‘z ohangini topadigan musiqa kabi. Bekorga gap musiqaga burilgani yoʻq. Musiqaning ham oʻz rangi boʻladi. Bunda ham xuddi tepadagi ma’nolar bilan deyarli bir xil, masalan, havorang — sokinlik, ozroq nostalgiya; oq — tozalik, poklik, minimalizm; qizil — harakat, energiya; yashil — harakatga keltiradigan, ammo qizildek shiddatli boʻlmagan musiqa.

Endi tasavvur qilib koʻraylik, Oʻzbekiston bayrogʻi musiqa boʻlganida qanday boʻlardi? Ushbu maqolada aynan shu ishni tajriba qilib koʻramiz. Bunda bizga hech qanday balandparvoz yoki vatanparvarlik ruhidagi musiqalar kerak boʻlmaydi, shunchaki umumiy shu kayfiyatlarni yetkazib bera oladigan oʻzbek qoʻshiqlarini keltiramiz.

---

Havorang — sokinlik

Sevara Nazarxon — Meni sev

Sherali Joʻrayev — Yoshligimiz

Sardor Rahimxon — Onam

“Setora” — Ohim

Shoxrux ft. Timur Rahmonov — Bexabarsan

Oq — tozalik, poklik, minimalizm

Muhabbat Shamayeva — Oʻrik gullaganda

Ozodbek Nazarbekov — Lola

Tohir Sodiqov — Koʻzing mayus

Nasiba Abdullayeva — Sen boʻlmasang yonimda

Farruh Zokirov — Dilarmon

Qizil — harakat, energiya

Munisa Rizayeva — Yoringmaney

Rashid Holiqov — Nozli gulim

Jasmin & Eski shahar — Qoʻqonlik

Alisher Fayz — Xay-xay

Dado — Dado-Nado

Yashil — harakatga keltiradigan, ammo qizilchalik shiddatli boʻlmagan musiqa

Sherali Joʻrayev — Keldi bahor

Bojalar, Radius 21 — Notanish qiz

Sevinch Moʻminova — Koʻylagim

Ozodbek Nazarbekov — Lalixon

Jahongir Otajonov — Qaddi baland

Siz ushbu pleylistga yana qanday musiqalar qoʻshgan boʻlardingiz? Oʻz roʻyxatingizni tuzing va ushbu manzil orqali bizga yuboring.