Toshkentdagi havo holati: chang ko‘tarilishi, tuman tushishi va kechalari sovuq bo‘lishi kutilmoqda

Toshkent shahri va yana bir qancha viloyatlarda noqulay ob-havo saqlanib, havoning ifloslanishiga olib keladi. Oʻzgidromet maʼlumotlariga koʻra, mamlakat boʻylab sovuq antisiklon hukm surmoqda va bu harorat inversiyasini keltirib chiqarmoqda.

Nimalar boʻladi:

• sovuq havo pastda toʻplanadi, issiq havo yuqorida, havo qatlamlari aralashmaydi;
• chang va mayda zarralar PM².5 atmosferaning pastki qatlamida qoladi;
• tuman va kuyindi hidi 5-dekabrgacha va undan keyin ham saqlanib qolishi mumkin.

Oldinroq inversiya 29-noyabrda yakunlanishi kutilgan edi, biroq sinoptiklar o‘z prognozlarini yangilashdi: bunday turdagi ob-havo sharoitida inversiya 10 kun yoki undan ko‘proq davom etishi mumkin.

22−28-noyabr kunlari boʻlgan kuzatuv ma’lumotlariga koʻra qanday koʻrsatkichlar qayd etilgan:

• PM².5 kontsentratsiyasi 182,8 mkg/m³ dan 110,5 mkg/m³ gacha boʻlgan, bu normadan 3−1,8 baravar yuqori;
• ertalab tuman tufayli koʻrish sifati tushadi;
• shamol kuchsiz — 1−3 m / s, bu havoning yangilanishiga imkon bermaydi;
• Yogʻingarchilik yoʻq, agar boʻlganda ifloslanishni sezilarli darajada kamaytirishi mumkin edi.

Havo harorati: yaqin kunlarda kechalari salqin (0…+4°), kunduzi oʻrtacha iliq (+13…+17°).

Toshkentni nimalar kutmoqda:

• antisiklon kamida 5-dekabrgacha qoladi;
• inversiya jarayonlari taxmin qilinganidan uzoqroq davom etadi;
• tumanning kuchayishi, chang va tutun kontsentratsiyasi oshishi mumkin.

Tavsiyalar:

• ko‘chada iloji boricha kamroq vaqt o‘tkazishga harakat qilish;
• maxsus himoya niqoblaridan foydalanish;
• imkon qadar xonalardagi havoni namlab turish;
• bolalar, keksa yoshdagilar va surunkali kasalliklarga chalingan shaxslar uzoq muddatli sayr qilishdan saqlanishlari lozim.