2026-yilda oʻzbekistonliklar bayramlarda necha kun dam oladi?

Shavkat Mirziyoyev 2026-yilda rasmiy bayramlar paytida qo‘shimcha ishlanmaydigan kunlarni belgilash va bayramlarni qayta rejalashtirish to‘g‘risidagi farmonni imzoladi.

Hujjatda kelasi yilda boʻladigan rasmiy bayramlarda qo‘shimcha ishlanmaydigan kunlar quyidagicha belgilangan:

• 2025-yil 31-dekabr, chorshanba — barcha xodimlar uchun (ish haftasi turidan qat’i nazar);
• 2026-yil 2-yanvar juma, 28-may payshanba, 29-may juma, 31-avgust dushanba — barcha xodimlar uchun;
• 3-yanvar shanba, 30-may shanba, 31-dekabr payshanba — olti kunlik ish haftasiga ega xodimlar uchun.

Bayramlar tufayli dam olish kunlarini ko‘chirish:

• 8-mart — Xotin-qizlar kuni (yakshanba) + 9-mart (dushanba — hamma uchun);
• 21-mart — Navro‘z (shanba) + 23-mart (dushanba — besh kunlik ish haftasiga ega ishchilar uchun);
• 9-may — Xotira va qadrlash kuni (shanba) + 11-may (dushanba — besh kunlik ish haftasiga ega xodimlar uchun).

Ish kunini ko‘chirish:

• Besh kunlik ish haftasiga ega xodimlar uchun dam olish kuni 2026-yilda 12-dekabr — shanba kunidan 31-dekabr — payshanba kuniga ko‘chiriladi.

Shunday qilib, oʻzbekistonliklar 2026-yil bayramlarida quyidagicha dam oladi:

• Yangi yil-2026 — 5 kun (31-dekabr — 4-yanvar) — hamma uchun;
• 8-mart — 3 kun (7−9-mart);
• Navro‘z — 3 kun (21−23-mart) — Ramazon hayiti bilan bir vaqtga to‘g‘ri kelishi kutilmoqda;
• 9-may — 3 kun (9−11-may);
• Qurbon hayiti — 4 kun (28−31-may) — barcha uchun;
• Mustaqillik kuni — 4 kun (31-avgust — 1-sentabr);
• Yangi yil-2027 — 4 kun (31-dekabr — 3-yanvar).

Ta’kidlanishicha, hujjat “fuqarolarning rasmiy sanalarni nishonlash davrida to‘liq dam olishi uchun shart-sharoitlar yaratish, ichki va ziyorat turizmini yanada rivojlantirish uchun dam olish va bayram kunlaridan samarali foydalanishni ta’minlash"ga qaratilgan.