Dam olish kunlari haqiqiy bahor keladi

Dam olish kunlari O‘zbekistonning aksariyat hududida yog‘ingarchiliksiz ob-havo bo‘lishi kutilmoqda, deya xabar bermoqda O‘zgidromet.

Toshkent shahrida 13−15-martda yog‘ingarchilik kutilmaydi. Shamol sharqdan 3−8 m/s tezlikda esadi. Havo harorati juma kunduzi +11…+13 daraja, dam olish kunlari esa +13…+15 daraja bo‘ladi. Harorat kechalari −1…+4 daraja bo‘ladi.

Faqat Buxoro, Navoiy, Qashqadaryo, Surxondaryo va Samarqand viloyatlarida 14-martda kechqurun va 15-mart kuni ba’zi joylarda yomg‘ir yog‘adi.

Havo harorati ko‘tarilishi davom etadi. Juma kunduzi havo +8…+13 darajagacha, shanba va yakshanba kunlari esa +14…+17 darajagacha isiydi.

Kechalari ham harorat ko‘tariladi. Mamlakat hududining katta qismida kechalari 0…+5 daraja atrofida bo‘ladi. Faqat respublikaning ayrim joylarida kechalari kuchsiz sovuq saqlanib turadi. Shamol sharqdan birozdan o‘rtacha tezlikgacha esadi.