To‘rt kunlik dam olish: O‘zbekistonda Hayit va Navro‘z bayramlari uchun dam olish kunlari e’lon qilindi

Adliya vazirligi matbuot xizmati xabariga ko‘ra, Ramazon hayiti va Navro‘z bayramlari munosabati bilan mamlakatda bir qator dam olish kunlari belgilandi.

Unga ko‘ra:

• 20-mart (juma) — Ramazon hayiti kuni munosabati bilan barcha uchun dam olish kuni;
• 21-mart (shanba) — Navro‘z umumxalq bayrami, barcha uchun dam olish kuni;
• 22-mart (yakshanba) — kalendar bo‘yicha dam olish kuni;
• 23-mart (dushanba) — besh kunlik ish haftasida faoliyat yurituvchi xodimlar uchun qo‘shimcha dam olish kuni etib belgilangan.

Shuningdek, olti kunlik ish haftasida ishlovchi xodimlar uchun 23-mart odatiy ish kuni hisoblanadi.

Mazkur tartibga muvofiq, besh kunlik ish haftasida ishlovchilar ketma-ket to‘rt kun dam olish imkoniyatiga ega bo‘ladi.