Toshkentda keng koʻlamli Navroʻz bayrami tantanalari boʻlib oʻtadi

Toshkentda Navroʻz bayrami uchun keng koʻlamli bayram dasturi tayyorlandi: 21−23-mart kunlari shaharning turli tumanlarida ommaviy bayramlar, konsertlar, taomlar festivallari va madaniy tadbirlar oʻtkaziladi.

Asosiy tadbirlar bir nechta yirik joylarda boʻlib oʻtadi:

• 21−22-mart — Oʻzbekiston ovozi turistik koʻchasi (asosiy maydon);
• 21−22-mart — Taras Shevchenko gastronomik koʻchasi;
• 21−23-mart — Navro‘z etnoparki;
• 21-mart — Al-Xorazmiy sayyohlik koʻchasi.

Ommaviy bayram tadbirlari quyidagi joylarda ham boʻlib oʻtadi:

• Yunusobod tumani — Yunusobod galereyasi majmuasi oldidagi hudud;
• Bektemir tumani — Coca-Cola Park;
• Mirzo Ulug‘bek tumani — Markaziy bog‘;
• Sergeli tumani — markaziy maydon;
• Olmazor tumani — Talabalar shaharchasi (Beruniy metro bekati yaqinida);
• Shayxontohur tumani — “Anhor-Lokomotiv” bog‘i (21−22-mart);
• Shayxontohur tumani — Toshkent shahar bogʻi (21−22-mart);
• Uchtepa tumani — “Seul” ekopark
• Chilonzor tumani — Gʻafur Gʻulom nomidagi bogʻ;
• Yakkasaroy tumani — Next savdo majmuasi;
• Yashnobod tumani — Ashxobod istirohat bog‘i;
• Yangihayot tumani — Mehrigiyo maydoni.

Bayram tadbirlari oʻtkaziladigan joylarda quyidagi tadbirlar tashkil etiladi:

• milliy taomlar va bahorgi mahsulotlarni tatib koʻrish;
• sumalak, halim, samsa va bayramona palov tayyorlash;
• taniqli san’atkorlar ishtirokidagi konsert dasturlari;
• hunarmandchilik va amaliy san’at koʻrgazmalari;
• milliy oʻyinlar, xalq chiqishlari va musobaqalar.

Tashkilotchilar shahar boʻylab an’anaviy marosimlar, gastronomiya va madaniy dasturlar bilan oʻzgacha bayramona muhitni va’da qilmoqdalar.