Yangi Toshkentda uch qavatdan iborat metro bekati qurilmoqda

Yangi Toshkentda noodatiy metro bekati qurilishi boshlandi — bu shunchaki bekat emas, balki bir necha bosqichli to‘laqonli transport uzeli bo‘ladi.

Loyiha 5 gektar maydonda amalga oshiriladi va qurilishning umumiy maydoni taxminan 20 000 kvadrat metrni tashkil etadi. Ishga tushirilgandan so‘ng bu yerda 50−55 ta ish o‘rni yaratilishi kutilmoqda.

Pastda metro temir yo‘llari va yo‘lovchilar uchun platformalar, yuqorida jamoat transporti bekatlari va avtoturargohlar joylashtiriladi, yuqori qavatda esa avtomobillarning to‘xtovsiz harakatlanishi tashkil etiladi.

Bunday format metrodan boshqacha foydalanish imkonini beradi: yo‘lovchilar ortiqcha o‘tishlarga yoki ko‘chaga chiqishga majbur bo‘lmaydilar. Masalan, mashinani avtoturargohda qoldirib, shahar ichida tirbandliklarsiz harakatlanish uchun to‘g‘ridan-to‘g‘ri metroga o‘tish mumkin bo‘ladi.