Toshkent salomatlik va miya faoliyatiga bag‘ishlangan xalqaro muloqot maydoniga aylandi

8-aprel kuni Toshkentda “Мозг 360” xalqaro forumi bo‘lib o‘tdi. Ushbu keng ko‘lamli professional tadbir turli mamlakatlardan 700 dan ortiq ishtirokchini birlashtirdi va preventiv tibbiyot, kognitiv salomatlik hamda insonning resurs holatini boshqarish sohasida Markaziy Osiyodagi asosiy tarmoq maydonlaridan biriga aylandi.

“Мозг 360” forumi mintaqada yangi turdagi tadbirlar — shunchaki konferensiya yoki soha uchrashuvlari emas, balki tibbiyot kelajagi va hayot sifatiga doir tizimli masalalar muhokama qilinadigan to‘laqonli intellektual platformalar shakllanayotganining yorqin namunasi.

Forum Siberian Wellness kompaniyasi tomonidan PreventMed ittifoqi bilan hamkorlikda tashkil etilib, O‘zbekiston, Rossiya, Qozog‘iston va Qirg‘iziston ekspertlarini bir joyga jamladi. Ishtirokchilar tarkibi va muhokamalar darajasining o‘ziyoq O‘zbekiston sog‘liqni saqlash va ilm-fan sohasida xalqaro professional muloqot maydoni sifatida o‘zining yangi o‘rnini ishonch bilan mustahkamlayotganini ko‘rsatdi.

Forumning asosiy g‘oyasi — profilaktika madaniyatini rivojlantirish va kasallikka javob berish modelidan salomatlikni saqlash modeliga o‘tishdir. Bunday yondashuv bugungi kunda global tendensiyaga aylanmoqda va O‘zbekiston bu kun tartibiga tobora ko‘proq qo‘shilib bormoqda.

Bunday keng ko‘lamli forumning Toshkentda o‘tkazilishi sog‘liqni saqlash va tibbiyot sohasidagi professional maydonlarni rivojlantirishga bo‘lgan qiziqishni aks ettiradi. Bunday tadbirlar ekspertlar o‘rtasida o‘zaro hamkorlik, tajriba almashish, ilm-fan va amaliyotdagi dolzarb yondashuvlarni muhokama qilish uchun maydon yaratadi.

Ekspert muloqoti

Forum quyidagi mutaxassislar va amaliyotchilarni birlashtirdi:

• Andrey Gostriy — PreventAge asoschisi, profilaktik va qarishga qarshi tibbiyot bo‘yicha mutaxassis;
• Gleb Kuzminov — tibbiyot fanlari nomzodi, tiklovchi tibbiyot bo‘yicha mutaxassis;
• Anna Proxorova — tibbiyot fanlari doktori, nevrolog, miya faoliyati bo‘yicha mutaxassis;
• Mixail Filyayev — klinik psixolog, PSY2.0 usuli muallifi;
• Roman Buzunov — tibbiyot fanlari doktori, professor, uyqu tibbiyoti bo‘yicha ekspert.

Ularning ishtiroki nafaqat alohida ekspertlarning chiqishlari, balki turli maktablar va yondashuvlar taqqoslangan, bir-birini to‘ldirgan va sog‘liqni saqlash sohasidagi zamonaviy muammolarni yaxlit tushunishni shakllantirgan jonli kasbiy muloqot sifatida forumning muhim qismiga aylandi.

“Мозг 360"ning o‘ziga xos xususiyati shundaki, u alohida ma’ruzalar seriyasi emas, balki aynan dialog edi. Mutaxassislar ilmiy ma’lumotlarni hayotiy amaliyotlar va kasbiy faoliyat bilan bog‘lagan holda inson organizmi va ruhiyatining haqiqiy ishlash mexanizmlarini muhokama qildi.

Muhokamaning asosiy mavzulari

Forum dasturi kognitiv salomatlik va hayot sifatiga doir keng ko‘lamli masalalarni qamrab oldi. Asosiy e’tibor uyquning mahsuldorlik va tiklanishga ta’siri, organizmga ta’sir ko‘rsatuvchi omil sifatida stress, yuqori zo‘riqish sharoitida miya faoliyati, shuningdek, jismoniy va ruhiy salomatlikning o‘zaro bog‘liqligiga qaratildi.

Insonning resurs holati hamda uning samaradorlik va yetakchilikdagi o‘rniga alohida urg‘u berildi.

Forumning mazmunli qismini ekspertlarning chiqishlari to‘ldirib, ularda tibbiyotning dolzarb masalalariga oid amaliy va ilmiy yondashuvlar taqdim etildi:

• Andrey Gostriy — hujayra metabolizmining NADga bog‘liq tartibga solinishi va qarishga qarshi amaliyotdagi nutritiv yondashuvlar to‘g‘risida;
• Nodira Oqilova — bolalardagi miopiya muammosi va uning tarqalishi xususida;
• Olga Gofman — bolalar neyrorivojlanishining tamoyillari va bu jarayonga tizimli yondashuv haqida ma’ruza qildi.

Muhimi shundaki, bu mavzular bir-biridan ajratilgan holda ko‘rib chiqilmadi. Forum shuni ko‘rsatdiki, salomatlikni zamonaviy tushunish tizimli yondashuvsiz mumkin emas. Bunday yondashuvda tana, ruhiyat, xulq-atvor va turmush tarzi yagona tizimni tashkil etadi. Ushbu yondashuv tor tibbiy ixtisoslashuvdan insonni kompleks tushunishga o‘tish orqali yangi tafakkur madaniyatini shakllantiradi. Preventiv tibbiyot mavzusi esa forumning alohida ma’no-mazmunini tashkil etdi.

Profilaktik tibbiyot

Bugungi kunda jahon tibbiyoti asoratlarni davolashdan ularning oldini olishga tobora ko‘proq e’tibor qaratmoqda. Bu yondashuv erta tashxis qo‘yish, turmush tarzi bilan ishlash, stressni boshqarish, kognitiv resurslarni tiklash va barqaror salomatlik odatlarini shakllantirishni o‘z ichiga oladi. “Мозг 360” doirasida bu yondashuv nazariya sifatida emas, balki zamonaviy jamiyatning amaliy zarurati sifatida taqdim etildi.

Forumda ta’kidlanishicha, salomatlik nafaqat tibbiy kategoriya, balki ijtimoiy, ta’lim va boshqaruv resursidir.

Central Asia Preventive Medicine Award xalqaro mukofotining topshirilishi forumning muhim voqealaridan biri bo‘ldi. Mukofot Markaziy Osiyoda preventiv tibbiyot yo‘nalishini rivojlantirish, shuningdek, barqaror professional hamjamiyatni shakllantirishga qo‘shgan hissasini e’tirof etish maqsadida ta’sis etilgan. Uning paydo bo‘lishi sohani institutsionallashtirish va mintaqada yangi salomatlik madaniyatini shakllantirganlarni e’tirof etish tizimini yaratish yo‘lidagi muhim qadam bo‘ldi.

Toshkentda “Мозг 360” forumining o‘tkazilishi mamlakat miqyosidagi muhim voqea bo‘ldi.

O‘zbekiston uchun bu quyidagilarni anglatadi:

• ekspertlar muloqoti uchun xalqaro maydon maqomini mustahkamlash;
• profilaktika madaniyatini va sog‘liqqa ongli munosabatni rivojlantirish;
• mamlakat ichida yangi darajadagi professional muhitni shakllantirish;
• jamiyat taraqqiyotida ilm-fan va ekspert bilimlarining rolini kuchaytirish.

Muhimi, bunday tashabbuslar nafaqat xalqaro mutaxassislarni jalb qiladi, balki mahalliy ekspert ekotizimini rivojlantirish uchun zamin yaratadi.

Markaziy Osiyo uchun “Мозг 360” turli mamlakatlardan kelgan mutaxassislar o‘rtasida professional muloqot va tajriba almashish maydoniga aylandi. Forum sog‘liqni saqlash, fan va ta’lim sohasidagi dolzarb masalalarni muhokama qilish uchun yo‘nalish berdi.

Tashkilotchilar loyihani muntazam xalqaro platforma sifatida rivojlantirishni, ishtirokchilar geografiyasi va ekspertlar tarkibini kengaytirishni rejalashtirmoqda. Shuningdek, preventiv tibbiyot sohasida professional e’tirof vositasi sifatida har yili Central Asia Preventive Medicine Award mukofotini o‘tkazish masalasi ko‘rib chiqilmoqda.

“Мозг 360” forumi sog‘liqni saqlashda tizimli yondashuvga bo‘lgan qiziqishni qayd etdi, bunda nafaqat davolash, balki profilaktika, hayot sifati va zamonaviy yuklamalar sharoitida insonning barqarorligiga ham e’tibor qaratiladi.

---

Siberian Wellness tibbiyot va salomatlik sohasidagi mutaxassislarni birlashtiruvchi ekspert formatlarini rivojlantirmoqda. Kompaniyaning ta’kidlashicha, bunday forumlar, sessiyalar va ekspertlar bilan uchrashuvlarni muntazam ravishda o‘tkazish rejalashtirilgan. Bunday tashabbuslar amaliy yechimlar, ilmiy yondashuv va professional hamjamiyatni rivojlantirishga qaratilgan.

Telefon: (+998) 78−113−8767.

Sayt: siberianhealth.com
Facebook: fb.com/siberianwellnessuzbekistan
Instagram: @siberian.uz
Telegram: t.me/swuzbekistan
YouTube: @SiberianWellnessUzbekistan

Reklama huquqlari asosda.