Oʻzbekistonliklar Qurbon hayiti munosabati bilan besh kun dam oladi

Oʻzbekiston Prezidenti 2026-yilda Qurbon hayitini nishonlash toʻgʻrisidagi farmonni imzoladi.

Bayramning birinchi kuni 27-may (chorshanba) ga toʻgʻri keladi va rasmiy dam olish kuni boʻladi. 28−29-may (payshanba va juma) ham barcha xodimlar uchun qoʻshimcha dam olish kunlari deb e’lon qilindi.

Natijada besh kunlik ish haftasi bilan mamlakat aholisi ketma-ket besh kun — 27−31 may kunlari dam oladi:

• 27 may — Qurbon hayiti;
• 28-may qoʻshimcha dam olish kuni;
• 29-may qoʻshimcha dam olish kuni;
• 30-may — shanba;
• 31-may — yakshanba.

Olti kunlik ish haftasiga ega boʻlgan xodimlar uchun dam olish kunlari 27, 28, 29 va 30-may — jami toʻrt kun, 31-may odatiy dam olish kuni boʻladi.

Bundan tashqari, Turizm qoʻmitasi va Transport vazirligiga bayram kunlari ziyoratgohlar va tarixiy qadamjolarga sayohat qilish uchun qulay sharoitlar yaratish, mahalliy hokimiyat organlariga esa bayramni milliy anʼanalarga muvofiq tashkil etish topshirildi.