Qurbon hayiti munosabati bilan bir qator koʻchalarda yoʻl yopiladi

Qurbon hayiti bayrami munosabati bilan Toshkent shahridagi 20 ta masjid oldidagi yo‘llar yopiladi. Bu haqda poytaxt Ichki ishlar bosh boshqarmasi xabar berdi.

27-may kuni soat 00:00 dan 08:00 ga qadar ayrim ko‘chalarda mashinalar harakati vaqtincha cheklanadi.

Mirzo Ulug‘bek tumani

• “To‘ra buva” masjidi: Buyuk ipak yo‘li ko‘chasi — Sho‘rtepa ko‘chasidan Buyuk ipak yo‘li — Sultoniya chorrahasigacha.

Bektemir tumani

• “Xo‘ton” masjidi: Bektemirshoh shoh ko‘chasi — Husayn Boyqaro ko‘chasidan Bektemir yo‘li ko‘chasigacha;
• “Alibek” masjidi: Muxtor Avezov ko‘chasidan — Husayn Boyqaro ko‘chasigacha.

Olmazor tumani

• “Islomobod” masjidi: THAY — Sag‘bon ko‘chasi bilan kesishmadan Nurafshon va Sag‘bon ko‘chalari chorrahasigacha;
• “Hazrati imom” masjidi: Qorasaroy ko‘chasi — Nurafshon ko‘chasi bilan kesishmadan Abdulla Qodiriy ko‘chasi bilan kesishmagacha;
• “Do‘stjonboy” masjidi: Sag‘bon ko‘chasi va Sag‘bon 12-berk ko‘chaning kesishmasidan — Keles yo‘li va Noraztepa chorrahasigacha.

Shayxontohur tumani

• “Shayx Zayniddin” masjidi: Ko‘kcha darvoza ko‘chasining Nurafshon ko‘chasi bilan kesishmasidan — Beshqayrag‘och ko‘chasi bilan kesishmagacha;
• “Xo‘ja Alambardor” masjidi: Bunyodkor shohko‘chasi — Kamolon ko‘chasi bilan kesishmasidan Ustazoda 2-tor ko‘chasi bilan kesishmagacha;
• “Ko‘xota” masjidi: Sebzor ko‘chasi — Nurafshon ko‘chasi bilan kesishmasidan Nurafshon va Labzak ko‘chalari chorrahasigacha.

Chilonzor tumani

• “Ubay ibn Ka’b” masjidi: Al Xorazmiy ko‘chasi — Xirmontepa ko‘chasi bilan kesishmasidan Katta qani ko‘chasi bilan kesishmagacha;
• “Shayx Muhammad Sodiq Muhammad Yusuf” masjidi: So‘galli ota ko‘chasi — Al-Xorazmiy ko‘chasi bilan kesishmasidan Xonabod 2-berk ko‘chasigacha;
• “Novza” masjidi: Bunyodkor shohko‘chasi — Bunyodkor-Muqimiy yo‘l o‘tkazgichidan Oliy Majlis binosi ro‘parasidagi qismigacha;

Uchtepa tumani

• “Abdulloh ibn Ma’sud” masjidi: Lutfiy ko‘chasi — Xirmontepa ko‘chasi bilan kesishmasidan Katta qani va Lutfiy ko‘chalari kesishmasigacha;
• “Hazrati Ali” masjidi: Nazarbek ko‘chasi — Mahorat ko‘chasi bilan kesishmasidan Zamaxshariy 1-tor ko‘chasi bilan kesishmagacha.

Yunusobod tumani

• “Minor” masjidi: THAY — Ko‘rgazma ko‘chasi bilan kesishmasidan Sharof Rashidov shohko‘chasi bilan kesishmagacha;
• “Mirzo Yusuf” masjidi: Bog‘ishamol ko‘chasi — Shivli ko‘chasigacha.

Yakkasaroy tumani

• “Usmon bin Mazun” masjidi: THAY — Qo‘shbegi chorrahasidan Fayzli Toshkent ko‘chasi bilan kesishmagacha.

Sergeli tumani

• “Nurul Islom” masjidi: Toshkent halqa avtomobil yo‘li — Fayzli Toshkent ko‘chasi bilan kesishmadan Qumariq chorrahasigacha.

Yashnobod tumani

• “Islom ota” masjidi: Farg‘ona yo‘li ko‘chasi — Fitrat ko‘chasi bilan kesishmasidan Tolimarjon ko‘chasi bilan kesishmagacha.

Mirobod tumani

• “Qo‘yliq ota” masjidi: Toshkent halqa avtomobil yo‘lining Qo‘yliq bozori yaqinidagi yo‘l o‘tkazgichdan halqa yo‘li va Munis ko‘chalari kesishmasigacha bo‘lgan qismi;

Ma’lumot uchun, 27-may kuni jamoat transporti tonggi soat 4:00 dan ish boshlaydi.

Fuqarolardan yo‘nalishlarni oldindan rejalashtirish, shuningdek, bayram namoziga borishda jamoat transportidan foydalanish so‘raladi.