“Alisher Navoiy” va “Paxtakor” metro bekatlari orasidagi eskalatorlardan biri vaqtincha yopildi
E’lon qilingan sana: · 86
21-iyuldan 17-avgustgacha Toshkent metropolitenining “Alisher Navoiy” bekatidan “Paxtakor” bekatiga o‘tish yo‘lidagi 3-raqamli ET-5M rusumli eskalator vaqtincha ishlamaydi.
Metro ma’muriyatining ma’lum qilishicha, ta’mirlash ishlari davomida 1984-yildan buyon foydalanib kelinayotgan eskalatorning tortuvchi zanjirlari almashtiriladi. Bu uning ishonchliligi va yo‘lovchilar xavfsizligini oshirishga xizmat qiladi.
Yo‘lovchilardan ta’mirlash davrida yuzaga keladigan vaqtinchalik noqulayliklar uchun uzr so‘ralgan.