XXI asrda Yevropada ilk bor to‘liq Quyosh tutilishi kuzatildi
E’lon qilingan sana: · 78
12-avgust kuni Shimoliy yarimsharda to‘liq Quyosh tutilishi yuz berdi. Oy Quyoshni to‘liq to‘sib qo‘ygan hodisani Grenlandiya, Islandiya, Portugaliya va Ispaniyada kuzatish mumkin bo‘ldi.
G‘arbiy Yevropaning yirik shaharlarida esa Oy Quyosh diskini 85−95 foizgacha to‘sdi. Yevropa qit’asi uchun to‘liq Quyosh tutilishi 1999-yildan beri ilk bor kuzatilgani sabab hodisa katta qiziqish uyg‘otdi. Hodisadan bir necha kun avval mintaqadagi yirik shaharlarda barcha maxsus ko‘zoynak va durbinlar sotilgan.
Keyingi Quyosh tutilishi 2027-yil 2-avgustda sodir bo‘ladi. Uning to‘liq fazasi Ispaniyaning janubida hamda Shimoliy Afrikada kuzatilishi mumkin.
