YONAR xalqaro eksperimental san’at festivali

Qoraqalpog‘iston Respublikasining Qo‘ng‘irot tumanidagi “Borsakelmas” sho‘rxokligi hududida eksperimental san’at va kreativ turizmga bag‘ishlangan YONAR xalqaro loyihasi bo‘lib o‘tadi.

“Stixiya” festivali tomonidan ishlab chiqilgan va tashkil etilgan YONAR klassik festival emas, balki ijodiy tajriba, fikr almashish maydoni va vaqtinchalik avtonom manzil sifatida tashkil etiladi.

Loyiha zamonaviy san’atni birlashtirish, Qoraqalpog‘istonning noyob tabiiy landshaftlarini namoyish etish va mintaqaning turistik salohiyatini rivojlantirishga qaratilgan.

Festival dasturida:

• Ijodiy tajriba: zamonaviy san’at, kreativ industriyalar va turizmni begona sayyoraga o‘xshash sho‘r landshaftlar orasida birlashtirish;
• Har bir ishtirokchining hissasi: loyihada tomoshabinlar bo‘lmaydi — har bir ishtirokchi mas’uliyatni o‘z zimmasiga olib, jamoaning bir qismiga aylanadi va umumiy makonga o‘z hissasini qo‘shadi;
• Media targ‘iboti: tadbir doirasida mahalliy va xorijiy OAV vakillari, blogerlar hamda kontent mualliflari uchun infoturlar tashkil etiladi, yaratilgan materiallar esa xalqaro raqamli platformalarda targ‘ib qilinadi.

Chiptalar sotilmaydi — loyiha tijoriy emas. Ishtirok bepul, biroq barcha xarajatlar (yo‘l, ovqatlanish, chodir, suv, asbob-uskunalar, artobyektlar yaratish) ishtirokchilarning zimmasida.

Havola orqali ro‘yxatdan o‘tish kerak.