iPhone 15’da suratga olingan ilk musiqiy klip e’lon qilindi
Amerikalik qo‘shiqchi Oliviya Rodrigo o‘zining Get him back klipini e’lon qildi. U yaqinda taqdim etilgan, hali sotuvga chiqmagan iPhone 15 Pro’da suratga olingan va MacBook’da montaj qilingan.
Kompaniya suratga olish jarayonidan video e‘lon qildi, unda klip qanday suratga olingani ko‘rsatilgan: qo‘shimcha gimbal, sinayotgan oynani videoga olib o‘tayotgan smartfon va yaqinlashtirish (zoom) funskiyasi.
Apple o‘zining oxirgi taqdimotida iPhone 15 kamerasini “eng zo‘ri” deb atagandi. Yangi smartfon 3 ta kameraga ega: 48 megapikselli asosiy kamera, 12 megapikselli telefotokamera va 12 megapikselli ultrakeng kamera. Shuningdek, iPhone 15'dagi yangi USB-C fayllarni tezroq ko‘chirish va tezkor zaryadlash imkonini beradi.
Oliviya Rodrigoning iPhone 15 Pro’da olingan klipini quyida tomosha qilishingiz mumkin.