Konsta "Sengacha" trekiga ishlangan klipni taqdim etdi
E’lon qilingan sana: · 137
Oʻzbekistonlik reper Konsta (Sharif Abdullayev) “Sengacha” klipini premyera qildi.
Reper 25-avgust kuni oʻzining YouTube kanaliga klipni joyladi. “Sengacha” treki “Kulrang” albomida taqdim etilgandi. Qoʻshiq musiqiy platformalarga ham chiqarildi, u hozirda “Yandex” chartida eng koʻp tinglanayotgan ashulalar ichida yigirma ikkinchi boʻlib turibdi.
Klip Turkiyada suratga olingan. Unda Konstaning oilasi, ya’ni qoʻshiqning haqiqiy “egalari” suratga tushgan.
Eslatib oʻtamiz, 12-oktabr kuni “Alpomish” muz saroyida Konstaning “Insonlar” nomli yakkaxon konserti bo‘lib o‘tadi.