Mazkur asar o‘tgan asrning 70-yillarida Muqimiy nomidagi o‘zbek davlat musiqali drama va komediya teatrida sahnalashtirilgan bo‘lib, “Olifta” nomi bilan juda mashhur bo‘lib ketgan. Unda toshkentlik Quvonch ismli yigit qishloqqa qarindosh-urug‘larini izlab borishi va bir qizni sevib qolgani tufayli yengil-yelpi hayot kechirishdan ko‘ra mehnat qilish afzalligini tushunib yetadi.

Quvonch ammasining xonadoniga borib, ularning kamtarona turmush tarzi bilan tanishadi. Jiyani Ruxsora Nihol mukofotiga sazovor bo‘lgani uchun konservatoriyaga imtihonsiz qabul qilinadi. Ammasi va uning eri, ya’ni pochchasi Ruxsorani poytaxtga o‘qishga borishiga ruyxushlik berishmaydi. Bu borada Quvonchdan jiyanini o‘qishga borish niyatidan qaytarish uchun yordam berishni iltimos qiladilar. Quvonch dastlab jiyanini qo‘shiqchilikdan voz kechishga undaydi. Biroq Ruxsoraning qo‘shig‘ini eshitgach, uning yonini oladi va jiyanini Toshkentga yuborishga erishadi.

Ruxsoraning Toshkentga ketishi arafasida jiyanini izlab, paxta dalasiga borib, Salomat ismli fermer qiz bilan tanishib uni yoqtirib qoladi. Poytaxtlik yigit texnika sir-asrorlarini yaxshi bilgani uchun buzuq traktorlarni tuzatib beradi va axiyri Salomatning nazariga tushadi. Quvonch avtoservis ochadi va ko‘pchilikning hojatini chiqara boshlaydi. U quyosh energiyasi bilan chiroq yondiradigan apparat o‘rnatadi va shamol tegirmoni o‘rnatadi.

U orada Salomat bilan Toshkentga borib, uni onasi bilan tanishtiradi va ona ko‘ngli ham qizga moyil bo‘ladi.

U qishloq o‘rnida “Baxt” shahri qurish loyihasini ishlab chiqadi va unga moyil bo‘lgan Salomat bilan qishloqda qolishga qaror qiladi.

Olifta

Tavsifi

Muqimiy nomidagi O'zbekiston davlat musiqali teatri