O'jarlar

Bu komediya atoqli Qoraqalpoq adibi O‘rozboy Abdurahmonovning qalamiga mansub. Asarda jamiyatda ildiz otgan — “faqat mening aytganim bo‘ladi” qabilida ish ko‘radiganlar ustidan nozik tabassum bilan so‘z yuritiladi. Komediya boshdan-oyoq ajib bir milliy ruhga cho‘lg‘ongan tarzda yozilgan.

Bo‘lajak qudalar Matriza va Xolmurodlarning o‘jarligi va tajangligi tufayli ularning farzandlari — Qorako‘z va Safarning to‘ylari buziladi. Ammo dunyo o‘zgargan. Toshkentda o‘qiydigan sevishganlar esa otalarning o‘jarligi tufayli taqdirlarining teskari bo’lishini istamaydi. O‘zlaricha to‘y qiladilar. O‘rtada farzand dunyoga keladi. Matriza va Xolmurod endi yarashishishga majbur. Ular endi “talashmaslikka” — dunyo boshqalarning ham istak-irodasidan iborat ekanligini tan oladilar.