O'zbekiston Milliy kino san'ati saroyi (Panorama)

Bugungi kunda O‘zbekiston Milliy kino san’ati saroyi zamonaviy kino majmualaridan biri hisoblanadi. Kino majmuasi hududida har kuni filmlar namoyishi uchun 6 ta kinozal, shuningdek, 1820 kishiga moʻljallangan filmlar premyerasi uchun Katta zali mavjud. Ushbu zalda O’zbekiston Kinematografiya agentligi hamda xususiy sektor tomonidan ishlab chiqarilgan filmlarning premyeralari, Har yili an’anaviy tarzda o‘tkaziladigan “Oltin Humo” milliy kino taqdimoti marosimi hamda Toshkent xalqaro kinofestivali, turli tadbirlar o‘tkazib turiladi. Maroqli hordiq chiqarish uchun tashrif buyuruvchilar kino saroyda joylashgan, yangi ekspozitsiyalar bilan boyitilgan O‘zbekiston kino sanʼati muzeyini tomosha qilishlari mumkin.