Toshkentdagi Papa John’s pitseriyasiga sharh
Cheklanmagan ichimliklar, har bir pitsa uchun bepul sous va halol ingredientlar – O‘zbekistonga yaqinda kirib kelgan 30 yillik tarixga ega pitseriyalar franshizasi haqida gapiramiz.
Yil endigina boshlandi, biroq Toshkentda 30 yillik tarixga ega Amerika pitseriyasining uchta filiali allaqachon ochilgan. Garchi Papa Jon’s franshizasi test rejimida ishlayotgan boʻlsa-da, u pitsa va barcha yangi ta’mlarni sevuvchilar orasida shov-shuvga sabab boʻlib ulgurdi.
Birinchi filial Mirzo Ulug‘bek tumanida — Sayram ko‘chasida ochilgan. Ushbu sharhda aynan shu filial haqida gaplashamiz. Yana ikkita nuqtasi Riviera va Compass savdo markazlarining food-kortida joylashgan. Yangi pitseriyalarning ichki qismi pitsa tarkibini aks ettiruvchi dizayn palitrasida tayyorlangan — achchiq pomidor, rayhon, yumshoq xamir, achchiq sarimsoq va pepperonchini.
Asosiy filial kichik, yorqin, 28 oʻrindiqli — oʻz-oʻziga xizmat koʻrsatish formatida ishlaydi. Olib ketish buyurtmangizni kutayotganda, siz kassa oldidagi divanga oʻtirishingiz mumkin, zaldga buyurtmalar ham shu yerda beriladi. Butun menyu ekranlarda taqdim etiladi — test tariqasida ochilish paytida taomlar tanlovi kichik edi. Butun menyu 8 ta yonlama va yonsiz pitsa, 7 ta snek — pishloqli tayoqchalar, bredstiklar, pepperoni rollari, kartoshka va tovuq qanotchalari, 2 ta turdagi papadias va maxsus narxdagi turli xil to‘plam variantlaridan iborat. Narxlar haqida gapiradigan boʻlsak, ular mahalliy nuqtalarga qaraganda bu yerda sezilarli darajada yuqori: diametri 25−35 sm boʻlgan pitsa 59 000 soʻmdan 139 000 soʻmgacha turadi.
Papa Jonsning yoqimli xususiyatlaridan biri bu cheklanmagan gazli ichimliklardir. 0,4 dan 1,5 litrgacha boʻlgan stakanni sotib olgandan soʻng, uni 45 daqiqa ichida cheksiz marta ichimlik bilan toʻldirish mumkin.
Buyurtmalarim ichiga o‘rtacha “Chicken Rancho” (95 000 so‘mga, 30 sm) va kichik “Pepperoni” (59 000 so‘mga, 25 sm), yupqa xamirli “BBQ Chicken” (95 000 so‘mga, 30 sm) va Papadia Chicken BBQ (55 000 so‘m) kabilar kirdi. Gazlangan ichimliklar narxi 400 ml ligi 9 000 so‘m, 1,5 litrlisi 15 000 so‘m turadi. Narxlar QQSni oʻz ichiga olmaydi, shuning uchun umumiy hisob 12% ga qimmatroq boʻladi.
Oʻrtacha tayyorlanish vaqti 20 minut. Agar siz bu vaqt ichida nima qilishni bilmasangiz, shaffof oyna bilan qoplangan oshxonaga borib, pishirish jarayonini kuzatishingiz mumkin: birinchi navbatda, xamir qoʻlda, keyin ignali rolik bilan oʻraladi, soʻngra pishirish uchun metall setkaga qoʻyiladi.
Barcha buyurtmalar qutilarda taqdim etiladi. Bonus sifatida pitsa va papadiyasga sarimsoqli sous va xalapenyo qoʻshib beriladi. Xamir yumshoq boʻlib, sovutgandan keyin rezinaga oʻxshab qolmaydi.
Papa John’s franshizasining mamlakatga kirib kelishi, albatta, uning asosiy muxlislarini quvontiradi. Boshqalar uchun bu yangi versiyada pitsalarni tatib koʻrish uchun yana bir imkoniyatdir.
