"Dönerci Hamdi Usta" — poytaxtdagi turk restoraniga sharh

E’lon qilingan sana· 246
"Dönerci Hamdi Usta" — poytaxtdagi turk restoraniga sharh

“Dönerci Hamdi Usta” restorani Hamdi Ustaga ehtiromdir. Versiyalarga koʻra, u doner kabob yaratuvchisidir. Go‘shtni pishirishning klassik usulini qayta ko‘rib chiqib, Hamdi go‘shtni gorizontal tarzda taxlay boshlaydi va vertikal grill oldida pishirib, uni boʻlaklarga boʻladi. Yillar davomida doner butun dunyoga mashhur taomga aylanib, Turkiya oshxonasida yetakchilik qilmoqda.

Toshkentdagi Dönerci Hamdi Usta franshizasi Glinka koʻchasi, 46-uyda joylashgan boʻlib, ikkita qavatni egallaydi. Yorqin ranglardagi Yevropa interyeri goʻshtni dudlash va chaqqon ofitsiantlar ishini toʻldirib turadi. Birinchi qavatning tempi bistroni eslatadi, ikkinchi qavatdagi atmosfera esa tinchroq. Kichkintoyingiz bilan kelganingizda, uni oʻyin maydonchasida qoldirishingiz yoki bolalar stulida ovqatlantirishingiz mumkin — hamma narsa ta’minlangan.

Bu yerdan topishingiz mumkin boʻlgan menyu koʻmirda dudlangan goʻshtga asoslangan. Beyti, iskandar, durum va burgerlardan tashqari, shoʻrva hamda shirinliklar ham taqdim etilgan. Menyuda na salatlar, na sabzavotli gazaklar mavjud. Iskandarga qoʻshib bir portsiya vitaminli salat, tuzlangan bodring va qalampir bepul beriladi.

Agar siz koʻp doʻstlaringiz bilan restoranga kelsangiz, taomingizga salatlar qoʻshib berilmasligiga tayyor turing. Eslatsangiz ham sizga shunchaki bodring olib kelishlari mumkin. Taomlarning kaloriya tarkibini hisobga oladigan boʻlsak, menyuda qoʻshimcha yengil narsalar yetishmaydi.

Asosiy ingrediyent — goʻsht — mehmonlarni kutgan holda dudlanib aylanayotgani sababli, taom juda tez buyurtmadan 7 daqiqa oʻtib taqdim etiladi. Agar siz tezda taomlanish uchun kelgan boʻlsangiz, bu, albatta, sizga yoqadi. Shuningdek, barcha mehmonlarga choy tortiq etiladi.

Goʻshtni tortiq etishning oʻziga xos tomoni shundaki, koʻz oldingizda unga issiq eritilgan sariyog' quyiladi.

Bizning buyurtmamiz donar (79 000/160), iskandar (79 000/100), beyti (84 000), hamdi burger (62 000), merjimek va ezogelin (17 000 va 19 000) dan iborat edi. Hisob-kitob boʻyicha 15 foiz xizmat haqi mavjud, bu haqda ma’lumot menyuda yoʻq.

Shoʻrvalar an’anaviy ravishda qattiq non va bir boʻlak limon bilan tortiq qilinadi. Ular nozik qaymoqsimon konsistensiyaga, yoqimli ta’mga ega, yagona farq ziravorlarda — merjimek koʻproq achchiq, ozgina qalampir bilan beriladi.

Hamdi burger kartoshka bilan beriladi. Taom biroz quruq: goʻsht uchun sous shiralik bermaydi, aksincha uni yogʻli qilib qoʻyadi. Bir tilim pomidor va salat bargi esa yordam bermaydi.

Beytining qismi juda toʻyimli — u guruch, pomidor, nordon-sutli sous va garniturli 14 ta goʻshtli ruletdan iborat. Ruletlarni toʻldirish uchun bir xil toʻgʻralgan yumshoq goʻshtdan foydalanilgan.

Iskandarni oʻzingiz xohlagan oʻlchamda tanlanishi mumkin. 100 va 150 grammlik portsiyalar mavjud. Idishdagi goʻsht non ustida pomidorli va oʻsha nordon-sutli sous bilan beriladi.

Barcha taomlar juda zoʻr, ammo ularda “Dönerci Hamdi Usta"ni Toshkentdagi boshqa turk oshxonalaridan ajratib turadigan narsasi yoʻq. Javob: agar siz franshizaning ashaddiy muxlisi yoki xizmatning kamchiliklariga toqatli boʻlsangiz, ha.

Vika Chmikhalova
Muallif va fotosuratchi
Vika Chmikhalova
Afisha.uz saytidagi ma‘lumotlarni ko‘paytirish, nusxalash, tarqatish va boshqa maqsadlarda foydalanish faqat tahririyatning yozma ruxsati bilan mumkin. Foydalanuvchi kelishuvi
Elektron OAV guvohnomasi №0400. Berilgan sanasi 13-avgust 2019-yil
Muassis: «Afisha Media» MChJ
Bosh muharrir: Sapayeva Galina Vyacheslavovna
Manzil: 100007, Toshkent, Parkent ko‘chasi, 26А / Pochta: info@afisha.uz
© 2005-2024 Afisha.uz
«Afisha Media» MChJ