Beshqozon 27 yilligini osh festivali va chempionati bilan nishonlaydi: g‘olib Haval M6 avtomobiliga ega bo‘ladi
23−24-may kunlari Toshkentda Beshqozon brendining 27 yilligiga bag‘ishlangan festival bo‘lib o‘tadi. Asosiy voqea yosh oshpazlar o‘rtasida o‘tkaziladigan osh chempionati bo‘lib, uning g‘olibi Haval M6 avtomobilini qo‘lga kiritadi.
23−24-may kunlari Toshkentda Beshqozon brendining 27 yilligiga bag‘ishlangan Osh festivali va chempionati bo‘lib o‘tadi. Tadbir Yunusobod sport majmuasida, Beshqozon Teleminora filiali yaqinida tashkil etiladi.
Ikki kun davomida festival mehmonlarini gastronomik hududlar, konsert dasturi, milliy o‘yinlar, hamkorlar zonalari, DJ setlar, musiqiy guruhlar chiqishlari va yosh oshpazlar o‘rtasidagi professional bellashuv kutmoqda.
Konsert dasturida O‘zbekiston xalq artistlari Sevara Nazarkhan hamda afsonaviy “Yalla” guruhi solisti Farrux Zokirov sahnaga chiqadi. Shuningdek, festivalda blogerlar, OAV vakillari va turli hududlardan kelgan mehmonlar ishtiroki kutilmoqda.
Festival har ikki kuni soat 14:00 dan 22:00 gacha davom etadi. Hududda mehmonlar osh va boshqa yeguliklarni xarid qilishi mumkin bo‘lgan gastronomik zonalar faoliyat yuritadi.
Tadbirning asosiy voqeasi 30 yoshgacha bo‘lgan yosh professional oshpazlar o‘rtasidagi Osh chempionati bo‘ladi. Unda Toshkentdagi osh markazlari va restoranlarda faoliyat yuritayotgan oshpazlar an’anaviy Toshkent to‘y oshini tayyorlash bo‘yicha bellashadi. Saralash qismi yopiq pavilonda, chempionat finali esa 24-may kuni festival doirasida o‘tkaziladi.
Beshqozon ushbu chempionatning ilk mavsumini yangi an’ananing boshlanishi sifatida ko‘rmoqda. Kelgusida bu loyiha yosh oshpazlar uchun muhim professional maydonga aylanishi va mamlakatda osh tayyorlash madaniyatini yangi bosqichga olib chiqishi kutilmoqda.
Tashkilotchilarning ta’kidlashicha, chempionatda qatnashish uchun Toshkentdagi ko‘plab taniqli osh markazlari va restoranlarga taklif yuborilgan. Ammo faqatgina tomoshabinlar, hakamlar va keng auditoriya qarshisida o‘z mahoratini ko‘rsatishga tayyor bo‘lgan jur’atli oshpazlargina taklifni qabul qilgan.
Chempionat g‘olibiga bosh sovrin sifatida Haval M6 avtomobili topshiriladi. Bundan tashqari, ishtirokchilarni iPhone 17 Pro Max, televizorlar, muzlatkichlar, plitalar, maishiy texnika to‘plamlari va boshqa sovg‘alar kutmoqda. Beshqozon vakillari hech bir ishtirokchi sovg‘asiz qolmasligini alohida qayd etmoqda.
Festival nafaqat oshpazlar bellashuvi, balki o‘zbek osh madaniyatiga bag‘ishlangan katta bayram sifatida tashkil etilmoqda. O‘zbekistonda oshga munosabat o‘ziga xos. Shu bois festival mehmonlari nafaqat bayram dasturidan bahramand bo‘ladi, balki osh atrofida shakllangan katta madaniy muhitning bir qismiga aylanadi.
Festival hamkorlari sifatida Coca-Cola, Haval, Yandex Eats, Jo‘ja, Yaproq by Beshqozon va Centrum Air ishtirok etadi. Ular festival hududida mehmonlar uchun maxsus zonalar va turli faolliklarni taqdim etadi.
Tashkilotchilar yosh oshpazlar avlodiga alohida e’tibor qaratmoqda. Chempionat oshpazlik kasbi tajriba bilan birga sabr, aniqlik, intizom, an’anaga hurmat va qozon yonidagi haqiqiy mahoratni talab qilishini namoyish etadi.
Beshqozon Osh festivali va chempionati Toshkentdagi mavsumning eng yorqin gastronomik voqealaridan biriga aylanishi hamda o‘zbek osh madaniyatini targ‘ib qilish uchun yangi platforma vazifasini bajarishi kutilmoqda.
Sana: 23−24-may.
Vaqt: 14:00 dan 22:00 gacha.
Manzil: Yunusobod sport majmuasi, Beshqozon Teleminora filiali yaqinida
Beshqozon Osh festivali va chempionati uchun chiptalarni ShowGo saytidan xarid qilish mumkin.
Beshqozon haqida
Beshqozon — O‘zbekistondagi aylanma hajmi bo‘yicha eng yirik osh markazlari tarmoqlaridan biri va eng taniqli osh brendlaridan hisoblanadi. 27 yil davomida brend Toshkent gastronomik madaniyatining muhim qismiga aylandi va har yili millionlab mehmonlarni qabul qiladi.
Bugun Beshqozon rivojlanishda davom etmoqda: yangi filiallar ochmoqda, xizmat ko‘rsatish standartlarini yaxshilamoqda, yetkazib berish xizmati, sayt va ijtimoiy tarmoqlar orqali raqamli imkoniyatlarini kengaytirmoqda.
Beshqozon filiallari quyidagi manzillarda joylashgan:
- Beshqozon Glinka — Glinka ko‘chasi, 41A;
- Beshqozon Ko‘kcha — Sheroziy ko‘chasi, 43;
- Beshqozon Sergeli — Sergeli 8 massivi, 3B;
- Beshqozon Teleminora — Iftixor ko‘chasi, 1.
Har bir filial o‘zbek oshxonasi an’analarini va Beshqozon’ning osh tayyorlashdagi o‘ziga xos yondashuvini saqlab keladi.
Telefon: (+998) 71−200−94−44.
Sayt: beshqozon.uz
Instagram: @beshqozon
Yetkazib berish Telegram boti: t.me/Beshqozon
Reklama huquqi asosida.