Zara O‘zbekistonda ilk rasmiy do‘konini ochdi

E’lon qilingan sana· 1 747
Zara O‘zbekistonda ilk rasmiy do‘konini ochdi

Tashkent City Mall`da Zara brendining O‘zbekistondagi birinchi rasmiy do‘koni faoliyat boshladi. Shuningdek, doʻkonda taqdim etilgan brendning barcha assortimenti mavjud boʻlgan onlayn platforma ham ishga tushirildi.

29-fevral kuni Zara Toshkent shahridagi Tashkent City Mall`da o‘zining O‘zbekistondagi birinchi do‘konini ochdi. Brend mamlakatda onlayn savdoni yo‘lga qo‘ymoqda. Bu integratsiya o‘zbekistonlik mijozlar uchun ham do‘konda, ham onlayn tarzda xarid qilish imkoniyatini beradi. Do‘konda haftada ikki marotaba mahsulotlar assortimenti yangilanadi.

Zara’ning Tashkent City Mall’dagi ilk do‘koni 2500 kv. m maydonda joylashgan bo‘lib, bolalar, ayollar va erkaklar uchun alohida savdo pavilyonlari mavjud.

Interyer Zara Me’morchilik studiyasi tomonidan loyihalashtirilgan, hamda asosan oq, toza va neytral, yog‘och mebellar va matolarning tabiiy ranglari bilan iliq va shinam muhitni beradi.

Do‘kon Zara`ning katta do‘konlar uchun so‘nggi konsepsiyasi asosida ishlaydi. Konsepsiya onlayn platforma — Zara.com/uz orqali brend ilovasi va funksional do‘kon rejimi asosida integratsiyalashgan noyob moda tajribasini taklif etish uchun samarali texnologik vositalar bilan jihozlangan.

Onlayn platforma ishga tushdi

29 fevraldan boshlab o‘zbekistonlik mijozlar uchun mo‘ljallangan yangi Zara onlayn do‘koni, mamlakatdagi barcha veb-brauzerlar bilan ishlaydigan foydalanuvchiga qulay xarid tajribasini taklif etadi. Onlayn sotiladigan mahsulotlar narxlari Tashkent City Mall`dagi Zara do‘konida ko‘rsatilgan narxlar bilan bir xil. Mijozlar uchun yetkazib berish xizmati ham mavjud.

Zara ilovasidagi “Do‘kon rejimi” funksiyasi onlayn platformani Tashkent City Mall do‘koni bilan bog‘laydi. Bu mijozlarga ilova orqali do‘kondagi mahsulotlarni ko‘rib chiqish va buyurtma berish imkonini beradi. Shuningdek, ular ilovani ishlatib do‘kondagi mahsulotlarni topishlari mumkin.

Yetkazib berish xizmati

Onlayn buyurtma qilingan mahsulotlar ekologik jihatdan toza qadoqlarda keladi, bu kiyim-kechak va boshqa mahsulotlarni yetkazib berish jarayonida turli tashqi ta’sirlardan maxsus himoya qilish uchun mo‘ljallangan. Mahsulotlar xarid miqdoridan qat’iy nazar bepul yetkazib beriladi, standart yetkazib berish xizmati 7−8 ish kuni davomida amalga oshiriladi. Uyga yetkazib berishni tanlagan mijozlar uchun quyidagi xizmat variantlari mavjud:

  • 1 199 900 so‘mdan ortiq buyurtmalar uchun — bepul yetkazib berish 8−10 ish kuni ichida;
  • 1 199 900 so‘mdan kam buyurtmalar uchun — 8−10 ish kuni ichida, yetkazib berish to‘lovi — 59 900 so‘m.

Mahsulotlarni almashtirish va qaytarish

Do‘kon va onlayn platforma uchun almashtirish va qaytarish siyosati bir xil, mijozlar kiyilmagan mahsulotlarni 30 kunlik xarid davrida qaytarishlari mumkin. Do‘konda va uydan qaytarish bepul.

Ekosamarali do‘kon

Zara Tashkent City Mall do‘konida ekosamarali do‘kon dizayni, qurilishi va boshqaruvda ilg‘or eko-samaradorlik tizimlari mavjud. Atrof-muhitga ta’sirini kamaytirish choralari orasida samarali isitish va sovitish tizimlari, energiyani tejaydigan LED yoritish va ko‘proq atrof-muhitga zararsiz materiallardan foydalanish kiradi. Do‘kon ichki energiya kuzatuv platformasiga ulangan, bu esa do‘konning havo konditsioneri va elektr o‘rnatmalarining samarali iste’molini kuzatib borish, samarali tizimlarni aniqlash, texnik xizmat ko‘rsatishni yaxshilash va energiya talabini kamaytirish strategiyalarini aniqlashga yordam beradi.

Zara qiymat zanjirining har bir bosqichida maqsadlarga erishish uchun to‘liq yo‘l xaritasidan foydalangan holda, jamoalarining kunlik qaror qabul qilish jarayonidagi atrof-muhitga ta’sirini kamaytirishga doimiy ravishda ishlaydi.

Shuningdek, u aylanma iqtisodiyotni rag‘batlantirish, chiqindilarni kamaytirish va qayta ishlash dasturlarini ishlab chiqadi.

Zara va Inditex

Zara Inditex`ning bir qismi bo‘lib, Pull&Bear, Massimo Dutti, Bershka, Stradivarius, Oysho va Zara Home kabi boshqa brendlarni ham o‘z ichiga olgan global moda chakana savdo guruhi hisoblanadi. Brend tarixi 1975 yilda Ispaniyada birinchi do‘konini ochishi bilan boshlanadi va hozirgi vaqtda dunyo bo‘ylab 200 dan ortiq mamlakatlarda do‘konlar va onlayn integratsiyalashgan platforma orqali faoliyat yuritadi.

Doimiy innovatsiyaga e’tibor qaratgan holda, Zara ayollar, erkaklar va bolalar uchun modaning oldi mahsulotlarini mijozni hamma narsaning markazida joylashtirgan biznes modeli orqali taklif etadi. Zara va Inditex 2040-yilga borib iqlim neytralligiga erishishni maqsad qilgan.

Instagram: @cenomiuzbekistan

Reklama huquqlari asosida.

Afisha.uz saytidagi ma‘lumotlarni ko‘paytirish, nusxalash, tarqatish va boshqa maqsadlarda foydalanish faqat tahririyatning yozma ruxsati bilan mumkin. Foydalanuvchi kelishuvi
Elektron OAV guvohnomasi №0400. Berilgan sanasi 13-avgust 2019-yil
Muassis: «Afisha Media» MChJ
Bosh muharrir: Sapayeva Galina Vyacheslavovna
Manzil: 100007, Toshkent, Parkent ko‘chasi, 26А / Pochta: info@afisha.uz
© 2005-2024 Afisha.uz
«Afisha Media» MChJ