Suzish bo‘yicha O‘zbekiston rekordi yangilandi

Suzish boʻyicha Oʻzbekiston terma jamoasi aʼzosi Ilya Sibirsev Qatar poytaxti Dohada oʻtayotgan jahon chempionatidagi ishtirokini yakunladi. Sibirsev O‘zbekiston rekordini o‘rnatdi, deya xabar bermoqda Milliy Olimpiya qo‘mitasi matbuot xizmati.

Gap shundaki, sportchi 800 metrga erkin usulda suzish dasturining saralash bosqichida 7:53.87 daqiqa vaqt koʻrsatdi. Bu mazkur masofadagi yangi Oʻzbekiston rekordi sifatida qayd etildi. Ammo ushbu natija Sibirsevga final yoʻllanmasi uchun yetarli boʻlmadi va Sibirsev musobaqadagi ishtirokini yakunladi.

Ma’lumot uchun, Ilya 2 kun muqaddam 400 metrga (3:50.9) kechgan saralash bosqichida ham yangi milliy rekord egasiga aylangan edi. Taqvimga koʻra, 16-fevral kuni Eldorbek Usmonov batterflyay usulda suzish dasturida ishtirok etadi.