Foto: Parijda Paralimpiya oʻyinlarining yopilish marosimi boʻlib oʻtdi

Kecha, 8-sentyabr kuni Fransiyaning Parij shahrida XVII yozgi Paralimpiya oʻyinlarining yopilish marosimi boʻlib oʻtdi. Marosim Stad de Frans stadionida tashkil etildi.

Paralimpiya bahslarida Oʻzbekiston delegatsiyasi 10 ta oltin, 9 ta kumush va 7 ta bronza medalini qoʻlga kiritib, umumjamoa hisobida 13-oʻrinni egalladi.

Ushbu natija bilan delegatsiya Paralimpiya o‘yinlarini tarixidagi eng yaxshi natijani qayd etdi. Shuningdek, Osiyoda uchinchi, MDH mamlakatlari orasida ikkinchi, Markaziy Osiyo mintaqasi, Islom birdamligi va Turkiy davlatlar tashkilotiga a’zo mamlakatlar orasida birinchi o‘rinni egalladi.