Galaxy Z Fold5 sharhi: buklanadigan Samsung smartfonlari nimalar qila oladi?

Afisha.uz jamoasi va men Samsungning iyul oyining barcha yangi mahsulotlari bilan dunyoda birinchilardan bo‘lib — taqdimotdan bir necha kun oldin tanishdik. Buklanadigan smartfonlar haqidagi birinchi taassurotlarimizni YouTube kanalimizdagi quyidagi videoda tomosha qilishingiz mumkin:

Bu safar muharririmiz bir hafta davomida Samsung kompaniyasining yangi mahsulotlari — Galaxy Watch6 va Watch6 Classic, flagman Galaxy Tab S9 va S9 Ultra planshetlari, shuningdek, Galaxy Z Flip5 va Z Fold5 buklanadigan smartfonlarining barcha imkoniyatlarini har tomonlama sinovdan o‘tkazdi. Ushbu sharhda u kompaniyaning yangi yuqori darajadagi buklanuvchi smartfoni Galaxy Z Fold5 haqidagi taassurotlari haqida, bu qurilma nimalarga qodirligi va kundalik hayotda qanchalik foydali ekanligi haqida gapirib beradi.

Juda oddiy komplekt

Samsung o’zining qimmat va top darajadagi smartfonlarini yupqa qutida, faqat quvvatlagich simi, hujjatlar va SIM-lotni ochish uchun mo’ljallangan skrepka bilan yetkazib berishi juda achinarli. Bu bunday narxdagi flagman uchun halokatli darajada kam. Raqobatchilar vivo va Xiaomi komplektlarida nafaqat quvvatlash moslamasi, balki qandaydir g’ilofni ham birga taqdim etishadi. Samsung esa bularning barchasini alohida sotib olishni taklif qiladi.

Biroq, kompaniyaning buklanadigan smartfonlari raqobatchilarga nisbatan ko’proq mashhur bo’lganligi sababli, Samsung uchun ko’proq g’iloflar ishlab chiqariladi va sotiladi. Ya’ni, Galaxy Z`ni Toshkent do’konlarida “kiyintirish” qiyin masala emas.

Tashqi ko’rinishdagi o’zgarishlar minimal, lekin ular bor

Faqat yangi Z Fold5`ga qaraganingizda, uni Z Fold4`dan farq qilmaydi deb o’ylaysiz, lekin agar siz ikkala telefonni ham qo’lingizga olib, solishtirsangiz, progress darhol seziladi. Yangi mahsulot hech qanday inqilobiy dizayn yechimlariga ega bo’lmadi, ammo buklangan holatda ikkala tomon o’rtasidagi bo’shliqning kichkina ekanligi va ingichka korpus tufayli undan foydalanish qulayroq bo’ldi.

Yo‘qolgan bo’shliqdan tashqari, yangi Z Fold5 o‘tgan yilgi Z Fold4`dan o‘zgartirilgan foto chirog‘i bilan ham ajralib turadi: u endi kamera bloki ostida emas, balki yon tomonda joylashgan. Shu joyida tashqi o’zgarishlar tugaydi.

Noqulay tashqi displey

Z Fold5 tashqi ekranining diagonali 6,2 dyuym, o‘lchamlari esa 904×2316 piksel. 120 Gs gacha bo’lgan moslashtirilgan tasvirni yangilash tezligi, shuningdek, yuqori yorqinlik darajasi mavjud bo’lib, u smartfonni yorqin quyosh nurida ham o’qilishi mumkin bo’lgan tasvir bilan ta’minlaydi. Bu, ichki ekran kabi, tabiiy ranglar bilan rang profilini tanlab, sizning xohishlaringizga mos ravishda sozlanishi mumkin.

Ammo bu displeyda ham muammo bor — tomonlar nisbati noodatiy 23:9, shuning uchun uni to’liq ishlatish har doim ham qulay emas. Ha, xabarlarni yo’lda o’qish yoki tezda kartaga pul o’tkazish uchun bo’ladi. Ammo to’liq foydalanish uchun men uning kengroq bo’lishini xohlardim. Ehtimol, Samsung bu taklifni eshitar va Z Fold6`ning tashqi ekranini, masalan, Xiaomi MIX Fold 3 kabi kengroq qilar.

Ajoyib ichki ekran

Har safar Z Fold5`ni ochganimda, ta’riflab bo’lmaydigan zavqni his qildim: smartfon yig’ilib, ixcham telefondan mini-planshetga aylanadi. Samsung Fold`ning barcha avlodlaridan foydalanganimga qaramay, bu meni hayratda qoldirishda davom etmoqda.

Demak, diagonali 7,6 dyuymli 1812×2176 pikselli Z Fold5`ning moslashuvchan ichki displeyi ham 120 Gs chastotani qo’llab-quvvatlaydi va oldingi avlodga nisbatan nozikroq ramkalarga ega. Unda YouTube`da video tomosha qilish juda qulay, ammo filmlar va teleseriallar bunda tor nisbatda namoyish etiladi, shuning uchun foydalanish mumkin bo’lgan maydonning yarmi ko’rayotgan paytda ishlatilmaydi. Boshqa holatlarda, ichki ekran juda zo’r: agar kerak bo’lsa, bir vaqtning o’zida to’rtta dasturni ishga tushirishingiz mumkin.

Ammo bu ekranda ham biroz kamchilik joylari bor — yuqori o’ng burchagiga qaraymiz. Z Fold5, Z Fold4 va Z Fold3 kabi, ekran ostidagi old kameraga ega, u unchalik yaxshi yashirilmagan — uning ustidagi piksellar qolgan maydonga qaraganda kattaroqdir, bu darrov seziladi. Vaqt o’tishi bilan, albatta, men buni umuman sezmay qo’ydim, ammo bu yechim juda qo’pol ko’rinishga ega.

Flagmancha kameralar

Umuman olganda, AI tufayli displeydagi frontal kamera yaxshi selfi oladi. “Kamera” ilovasida tasvirni oldindan ko’rishda rasm juda xafa ko’rinadi, lekin suratga olinganda, bir soniyadan so’ng u AI algoritmlari tomonidan yaxshilanadi va qayta ishlangan selfi “Galereya"da tushadi. Tashqi displeydagi frontal kamera yanada yaxshi suratlar oladi.

Ammo Z Fold5`ning eng zo’r tomoni shundaki, unda orqa kameralar yordamida ham selfi olish mumkin. Kamera ilovasida hatto tashqi displeyda oldindan ko’rish imkoni mavjud bo’lgan alohida rejim mavjud.

Selfilardan tashqari, telefonning orqa tomonidagi kameralar o‘zlarining asosiy vazifalarini a’lo darajada bajarib, har bir kadr sizni quvontiradi. Shaxsan meni xafa qilgan yagona narsa 60 kvadrat kengligida video yozib olish imkoniyatining yo’qligi edi. S23 bu xususiyatga ega, ammo yuqori texnologiyali buklanadigan flagmanda bu yo’q. Lekin Z Fold5 eng so’nggi Galaxy darajasida fotosuratlar va videolarni oladi.

Ajoyib samaradorlik

Z Fold5 korpusiga Qualcomm Snapdragon 8 Gen 2 chipi o‘rnatilgan bo‘lib, smartfonni qulay ish uchun yetarli quvvat bilan ta’minlaydi, bu esa kelgusi yillar uchun yetarli bo‘ladi. Interfeysda baglar, shuningdek, ilovalar ishidagi tormozlanishlarni men ko’rmadim.

Ayniqsa, u o’yinga to’liq sho’ng’ishni ta’minlaydi, go’yoki shu maqsadda yaratilgandek. Asphalt 9`ni ushbu ekranda ishga tushirganimda, birinchi marta o’n daqiqadan so’ng o’yinni tark etishni xohlamadim. Katta ekran go’zal o’yinga shunchalik chuqur singib ketganki, siz umuman o’yindan chiqishni xohlamaysiz.

Galaxy Z Fold afzalliklari

Endi biz Z Fold5`ning eng qiziqarli qismiga o’tamiz. Samsung`ning “fold"lari funksional borasida, mening fikrimcha, eng yaxshi buklanadigan smartfonlar hisoblanadi. Men nega Galaxy Z Fold`ga bunday yuqori baho berganimning sabablarini sanab o’taman:

• ijodkorlik maydonini kengaytiruvchi S Pen stilusini qo’llab-quvvatlaydi;
• uchta ilovada bir vaqtning o’zida ishlash va to’rtinchisini qalqib chiquvchi oynada ishga tushirish imkoniyati;
• smartfonni buklagandan so’ng ham dasturdan foydalanishni davom ettirish yoki chiqib ketish mumkin;
• IP68 standarti bo’yicha suvdan himoya — Z Fold5 bilan suv ostida suzishingiz mumkin.

Xulosa

Galaxy Z Fold5 kompaniyaning lyuks smartfoni bo‘lib, status va unumdorlik jihatidan faqat S23 Ultra bilan raqobatlashadi. Bu qurilma, menimcha, birinchi navbatda, monoton smartfonlar olamida noodatiy gadjetni qidirayotganlar va flagman funksiyalari va hayotda foydali funksiyalarga ega ixcham telefonga muhtoj bo‘lganlar uchun mo‘ljallangan.

Z Fold5`ning katta narxini hisobga olgan holda u bir qator kamchiliklarga ega: kichik batareya, tor tashqi ekran, ekran ostidagi xunuk ko’rinadigan frontal kamera va komplaktning minimalligi. Ammo juda ko’p afzalliklar ham mavjud: suvdan to’liq himoya, flagmancha kameralar, kuchli apparat, buklanadigan smartfonlar orasida eng yaxshi dasturiy ta’minot va, albatta, brendning kuchi, buning natijasida ushbu telefon uchun ko’proq aksessuarlar ishlab chiqariladi.

Narxi

Toshkentda yangi Z Fold5`ning narxi 1400 dollardan boshlanadi, bu 17 000 000 so‘mdan oshadi.