Tesla haydovchisiz robot taksilarni ishga tushirdi
22-iyun kuni Ostin shahridan Tesla kompaniyasi o‘zining birinchi robotaksi xizmatini ishga tushirdi — bu toʻliq avtonom avtomobillar boʻlib,rulda haydovchisiz harakatlanadi. Dastlabki yoʻnalish South Congress Avenuedan oʻtadi, sinovda 10 ga yaqin Model Y elektromobillari ishtirok etmoqda.
Mashinalar haydovchisiz, ammo old o‘rindiqda favqulodda vaziyatga aralashishga tayyor kuzatuvchi odam oʻtiradi. Sayohat narxi masofadan qat’i nazar ramziy — 4,20 dollarni tashkil etadi.
Tesla bosh direktori Ilon Mask robotaksi ishga tushirilishini muhim bosqich va “o‘n yillik mehnatning cho‘qqisi” deb atadi. Uning ta’kidlashicha, avtopilot uchun sun’iy intellekt chiplari va dasturiy ta’minotini ishlab chiqqan jamoa tashqi mutaxassilarchilar ishtirokisiz Teslaning oʻzida noldan qurilgan.
Xizmat faqat taklifnoma asosida taqdim etiladi, birinchi safarlarni bloggerlar, investorlar va sinov bosqichining boshqa ishtirokchilarga qoʻlga kiritishdi. Dastlabki foydalanuvchilar tajribani qulay va xavfsiz, haydovchi bilan boʻlgan safarlardan farqlab boʻlmaydigan deb ta’riflaydilar.
Samarali taqdimotga qaramay, loyiha sinov rejimida va bir qator cheklovlar bilan ishlamoqda: robotaksislar yomg‘ir yoki yomon ob-havoda harakatlanmaydi, qiyin chorrahalardan qochib, voyaga yetmaganlarni tashimaydi. Maskning soʻzlariga koʻra, Tesla “xavfsizlik masalasida nihoyatda ehtiyotkor”, shuning uchun xizmat hozircha cheklangan hududda amalga oshirilmoqda.
Tesla kengaytirishni rejalashtirmoqda, agar Ostindagi sinov muvaffaqiyatli oʻtsa, yil oxirigacha San-Fransisko va Los-Anjelesga robotaksi xizmatini yoʻlga qoʻymoqchi. Asosiy strategiya parkni minglab avtomashinalar, jumladan, kelajakda rul boshqaruvi boʻlmagan Cybercab modellarigacha kengaytirishdir.
Xizmat ishga tushirilishi bilan bir vaqtda Texasda yangi qonun kuchga kirdi: 2025-yil 1-sentabrdan boshlab barcha haydovchisiz transport vositalari operatorlari shtat transport departamentidan ruxsat olishlari kerak. Agar transport vositasi xavfli deb topilsa, litsenziya bekor qilinadi. Bu mahalliy hokimiyat organlari bunday xizmatlarning faoliyatini tartibga sola olmagan avvalgi amaliyotdan voz kechish boʻldi.