7TECH o‘z brendining ilk smartfoni — Connect U7’ni taqdim etdi

Connect U7 — 7TECH brendi ostida chiqarilgan ilk smartfon bo‘lib, kompaniya rivojlanishidagi yangi bosqichni boshlab beradi.

7TECH uchun yangi yo‘nalish

Bugungacha 7TECH asosan maishiy texnika segmentida faoliyat yuritib kelgan. Connect U7 taqdimoti bilan kompaniya mobil qurilmalar bozoriga ham kirib bormoqda.

Smartfonni yaratishda jamoa foydalanuvchi uchun kundalik hayotda muhim bo‘lgan jihatlarga — dizayn, foydalanish qulayligi, ishlash tezligi, kamera, avtonomlik va zamonaviy dasturiy imkoniyatlarga e’tibor qaratdi.

Connect U7 kundalik hayot uchun mo‘ljallangan:

• ish;
• muloqot;
• ijtimoiy tarmoqlar;
• foto va video;
• ko‘ngilochar kontent hamda mobil servislar uchun.

7TECH dizayn va funksionallik uyg‘unligiga alohida e’tibor qaratgan. Qurilma zamonaviy minimalist ko‘rinishga ega bo‘lib, kundalik foydalanish uchun muvozanatli smartfon izlayotgan foydalanuvchilar ehtiyojini hisobga olgan holda ishlab chiqilgan.

Yangi mahsulotdan kattaroq qadam

7TECH uchun Connect U7 nafaqat yangi model, balki brendning yangi mahsulot toifasiga kirib borishini anglatadi.

Kompaniya mobil qurilmalar yo‘nalishini mavjud chakana savdo tarmog‘i, servis infratuzilmasi va O‘zbekiston bozoridagi mijozlar bilan ishlash tajribasiga tayangan holda rivojlantirishni rejalashtirmoqda.

“Biz uchun Connect U7 shunchaki yangi mahsulot emas. Bu — 7TECH'ning yangi yo‘nalishi boshlanishi. Biz foydalanuvchilar uchun tushunarli, zamonaviy va amalda qulay qurilmalar yaratishni maqsad qilganmiz”, — deya ta’kidladi kompaniyada.

7TECH Connect U7 taqdimoti O‘zbekistonda bo‘lib o‘tdi. Yangi smartfon brend ekotizimining bir qismiga aylanib, 7TECH assortimentini an’anaviy maishiy texnika doirasidan tashqariga kengaytiradi.

7TECH Connect U7. Yangi bosqich — yangi ulanish.

Reklama huquqlari asosida.