"Lyudka" spektakli

“Ilhom” teatri rejissyor Boris Gʻofurov tomonidan sahnalashtirilgan ijtimoiy tango va yorqin buffonadadan iborat “Lyudka” spektaklini namoyish etadi.

Lyudka — hayotini raqsga qiyoslab yashaydigan, yolg‘izmi yoki ortidan qolmaydigan jazmanlardan charchaganmi, bilib bo‘lmaydigan, yoshi ham noma’lum ayol. Uning uyida doimo erkaklar bo‘ladi, ammo hech biri uzoq qolmaydi: har biri o‘zining oddiy raqsini ijro etib, g‘oyib bo‘ladi. Lyudka esa odamlarni maftun etish va hafsalasini pir qilishda, hayratlantirish va ilhomlantirishda, qutqarish va saboq berishda, sirlarini yashirishda davom etadi. Chunki uning uchun hayotda faqat sevgi va tango mavjud.

Xoreografiya — Mariya Tixomolova. Davomiyligi: 1 soat 10 daqiqa. Yosh chegarasi: 18+.

Chiptalar narxi: 120 000−150 000 soʻm.

Teatr kassasining telefon raqami: (+998) 71−241−2241.