Registon maydoni dunyodagi eng go‘zal joylar ro‘yxatiga kirdi

E’lon qilingan sana· 212
Registon maydoni dunyodagi eng go‘zal joylar ro‘yxatiga kirdi

TimeOut jurnali Samarqanddagi Registon maydonini dunyodagi eng go‘zal 44 ta joy qatoriga kiritdi, deb xabar bermoqda Turizm qoʻmitasi.

Ta’kidlanishicha, nashr dunyo bo‘ylab tajribali sayohatchilarning fikrlarini to‘plab, ular tashrif buyurgan eng go‘zal joylar haqida so‘zlab berdi. Natijada, dunyoning eng ajoyib go‘shalariga yo‘l ko‘rsatuvchi qo‘llanma sifatida foydalanish mumkin bo‘lgan ro‘yxat tuzildi.

Samarqandga tashrif buyurgan sayohatchilar Registon maydonini shunday ta’riflashadi:

“Uchta ulug‘vor inshoot bilan o‘ralgan keng maydon — Registon Samarqandning qadimiy qalbi, zamonaviy O‘zbekistondagi Ipak yo‘li shahrining timsoli hisoblanadi. Registonning XV-XVII asrlarda qurilgan uchta madrasasi ravoqli peshtoqlari, yaltiroq gumbazlari va baland minoralari bilan manzarani tasvirlab beradi. Ular g‘isht, koshin va mozaikalardan yasalgan geometrik naqshlar bilan bezatilgan.

Bu binolar ulug‘vorligi va nafosat uyg‘unligida, maftunkorligi va mehmondo‘stligi bilan ajralib turadi. Qosh qorayishi bilan esa ular butun go‘zalligini namoyon etib, nurga burkanadilar".

TimeOut — Londonda joylashgan xalqaro kompaniya bo‘lib, dunyoning 60 ta shahrida ko‘ngilochar va madaniy hayot haqida aynan shu nomdagi haftalik jurnalni nashr etadi.

Telegram kanalimizga obuna bo‘ling