"Soʻqoq somsa" va Andijon doʻppisi geografik koʻrsatkich sifatida tan olindi

O‘zbekistonda ikkita an’anaviy mahsulot — “Soʻqoq somsa” va Andijon do‘ppisi geografik ko‘rsatkich maqomini oldi.

“Soʻqoq somsa” nima?

Bu Parkent tumanidagi Soʻqoq qishlog‘ida tayyorlanadigan somsaning o‘ziga xos turi. U o‘zining g‘ayrioddiy xamiri va shu hududda o‘sadigan yovvoyi madradan (tog‘ ismaloqi) tayyorlangani bilan ajralib turadi. Endi bu taomning oʻziga xosligi hududning pazandalik merosining bir qismi sifatida qonun bilan himoya qilinadi.

Andijon doʻppisi — shunchaki bosh kiyim emas

Geografik koʻrsatkichga ega boʻlgan ikkinchi obyekt oʻziga xos shakli, nafis kashtasi va mintaqa ramzi boʻlgan Andijon doʻppisi hisoblanadi. U andijonlik ustalarning anʼanalari va hunarmandchiligini aks ettiruvchi madaniy boylik sifatida rasman eʼtirof etilgan.

Geografik koʻrsatkich nima?

Bu mahsulotning ma’lum bir joy bilan bogʻliqligini va ushbu hududga xos boʻlgan maxsus fazilatlar, an’analar yoki obroʻga ega ekanini tasdiqlovchi maxsus maqomdir.

Qonunga koʻra, ishlab chiqarishning kamida bitta bosqichi belgilangan joyda amalga oshirilishi va mahsulotning xususiyatlariga amal qilishi kerak. Bu:

• mahsulotni qalbakilashtirishdan himoya qilish;
• sifat va retseptni saqlash;
• uni mintaqaviy brend sifatida targʻib qilishga yordam beradi.

Oʻzbekistonda bungacha nimalar roʻyxatdan oʻtgan?

Ilgari quyidagilar geografik koʻrsatkich maqomini olgandi:

• Samarqand nonlari;
• Xorazm “tuxum barak” taomi;
• Gʻijduvon kabobi.

Endilikda “Soʻqoq somsa” va Andijon do‘ppisi ham milliy va xalqaro miqyosda himoya qilish va e’tirof etish huquqi bilan O‘zbekistonning madaniy va gastronomik ramzlari rasmiy ro‘yxatiga kiritildi.