«Ibrat farzandlari» loyihasi xorijiy tillarni bepul o‘rganish uchun manbalarni kengaytirdi
E’lon qilingan sana: · 383
Yoshlar ishlari agentligi direktori Alisher Sa’dullayev o‘z Telegram kanalida “Ibrat farzandlari” loyihasi doirasidagi qator xorijiy tillarni bepul o‘rganish mumkin bo‘lgan manbalarni ulashdi.
Har bir xorijiy til uchun alohida Telegram kanallar ochilgan. Ushbu loyiha orqali ingliz, nemis, koreys, xitoy, rus, italyan, ispan, turk, arab va yana boshqa tillarni o‘zbek tilida bepul o‘rganish mumkin.
Mazkur kanallarga ulanish uchun ushbu havola orqali o‘tib, kanallar to‘plamidan kerakli tilni tanlash mumkin.
Eslatib o‘tamiz, avvalroq Afisha.uz ingliz tilini bepul o‘rganish mumkin bo‘lgan YouTube kanallarni bir joyga to‘plagandi.