Litres: Diqqatga sazovor 5 ta o'zbek kitobi

E’lon qilingan sana· 1 813
Litres: Diqqatga sazovor 5 ta o'zbek kitobi

Zamonaviy o’zbek adabiyoti rang-barang bo’lib, u yorqinlik mujassam qurama ko‘rpaga o‘xshaydi. Unda hammaning didiga mos mualliflar topiladi. LitRes xizmati bilan birgalikda sizga bunga ishonch hosil qilishda yordam beradigan audio va elektron kitoblarni tanladik.

“Qo'rqma”, Javlon Jovliyev

Javlon Jovliev O‘zbekistondagi eng istiqbolli yosh mualliflardan biridir. Professional jurnalist sifatida u yozishni erta boshlab, adabiy debyutini 20 yoshida qilgan. “Ikki qalbning uchrashuvi” kitobi tanqidchilar tomonidan yaxshi kutib olingach, muallifning o’quvchilar orasida birinchi muxlislari paydo bo‘ldi. “Qoʻrqma” romani yetuk yozuvchining asari boʻlib, 2021-yilda nashr etilganidan soʻng darhol bestseller darajasiga chiqa oldi. Syujet o‘tgan asr boshlarida Germaniyada tahsil olgan va tarixiy sharoit tufayli qatl etilgan talabalarning taqdiri haqida. Muallifning ta’kidlashicha, bu nafaqat o‘tmish haqidagi hikoya, balki bugungi yoshlarning maqsad va intilishlarini anglashga urinish hamdir.


“Alisher Navoiy”, Isajon Sulton

Isajon Sulton 1990-yillarning boshlarida jurnalist sifatida o’z faoliyatini boshlagan. Ammo vaqt o’tishi bilan faoliyatini yozuvchilik bilan almashtirdi. Muallifning birinchi hikoyalari butun dunyo bo’ylab Rossiya, AQSh, Turkiya, Moldovada adabiy jurnallarda chop etilgan. “Alisher Navoiy” romani 2021-yilda nashr qilingan. Janr bo’yicha bu XV asrda yashagan va turkiy adabiyotga asos solgan buyuk turk shoiri, so’fiy va davlat arbobi Alisher Navoiyning badiiy tarjimai holi. Muallif o’tmishning eng buyuk donishmandiga zamondoshlariga maslahat beradigan va ularning ruhini ko’taradigan odam sifatida qarashni taklif qiladi.


“Men, dadam va Altsgeymer”, Nodirabegim Ibrohimova

Nodirabegim Ibrohimova Jahon tillari universitetida o‘qiyotgan kezlari ijodni boshlagan. Bir qancha tarjima va mualliflik kitoblari nashr qilingan. Ular orasida “Men, dadam va Alsgeymer” hikoyalar to‘plami qiziqib o‘qilgan, tanqidchilar eʼtiboriga tushgan, kitobxonlarni jalb qilgan. Kitob ingliz tilida ham chop etilgan. Unda turli realistik-romantik hikoyalar mavjud bo‘lib, sevgi, do‘stlik, vatan, sadoqat kabi mavzular tilga olingan.


“Shoh”, Shoyim Bo’tayev

Shoyim Bo‘tayev zamonaviy O‘zbekistonning yorqin shoir va nosirlaridan biridir. U o’z ijodiy yo’lini jurnalist sifatida boshladi, muharrir sifatida davom etdi. Turli yillarda uning qalami bilan radiodasturlar uchun ssenariylar yozildi. Hozir Shoyim Bo‘tayev nashriyot muharririlik va yozuvchilikni muvaffaqiyatli birlashtirib ijod qilmoqda. Tanqidchilarning fikricha, uning o‘ziga xos jihati ham milliy, ham jahon adabiyoti xususiyatlarini bir asarda jamlay olishidadir. “Shoh” romani ham ana shu an’anada saqlanib qolgan. U o’n yil oldin nashr etilgan va hozirga qadar qizg’in muhokamalarga sabab bo’lmoqda.


“Plastikakl kim?”, Madina Mo’minova

Madina Mo’minova — O’zbekistonning eng g’ayrioddiy yozuvchisi. U yorqin shou-loyihalar, bolalar spektakllari, kino ssenariylari muallifi sifatida mashhurlikka erishdi. Adabiyotda uning asosiy mavzusi eko- maxluqlar bo‘ldi. Muallif ular haqida bolalar uchun hikoyalar yozadi, ularni kattalar ham ishtiyoq bilan o’qiydilar. Madina Muminova personajlarning tilidan sayyoraga g’amxo’rlik qilish qanchalik muhimligi haqida gapiradi. “Plastikakl kim?"audiokitobidan o’quvchilar okeanning yoqimtoy aholisi va dunyo suv havzasini ifloslanishdan qanday qutqarish haqida bilib olishadi.

Afisha.uz saytidagi ma‘lumotlarni ko‘paytirish, nusxalash, tarqatish va boshqa maqsadlarda foydalanish faqat tahririyatning yozma ruxsati bilan mumkin. Foydalanuvchi kelishuvi
Elektron OAV guvohnomasi №0400. Berilgan sanasi 13-avgust 2019-yil
Muassis: «Afisha Media» MChJ
Bosh muharrir: Sapayeva Galina Vyacheslavovna
Manzil: 100007, Toshkent, Parkent ko‘chasi, 26А / Pochta: info@afisha.uz
© 2005-2024 Afisha.uz
«Afisha Media» MChJ