Billi Aylish 400 mingta futbolkani qayta ishlashga yuboradi

Billi Aylishning o‘tgan konsert-turlaridagi 400 mingga yaqin foydalanilmagan merch futbolkalari 280 mingta yangi mahsulot yaratish uchun qayta ishlashga yuboriladi. Bu haqda Fast Company saytida ma’lum qilindi.

Loyihani “Universal Music Group — Bravado” bo‘linmasi amalga oshiradi. Futbolkalar Marokashga yuboriladi, u yerda mahalliy “Hallotex” fabrikasi yangi kolleksiya uchun matoni tolalarga ajratadi.

Xonandaning onasi Meggi Berdning aytishicha, ekologiyaga e’tibor berish Billi uchun karyerasining boshidanoq muhim bo‘lgan. “Biz u mashhur bo‘lishidan oldin ham (tovarlarni qayta ishlashni) so‘rardik”. Hozirda Aylish oʻz chiqishlaridan oldin ekologik tashabbuslarni qanday joriy etayotganini tushuntiradigan videorolikni namoyish etadi.

Oldinroq Billi Aylish o‘zini hech qachon juda chiroyli deb hisoblamagani haqida gapirgandi.