Foto: Prezident bir qator san'at xodimlarini taqdirladi

Prezident Shavkat Mirziyoyev ishtirokida O‘zbekiston mustaqilligining 34 yilligi munosabati bilan davlat mukofotlarini topshirish marosimi bo‘lib oʻtdi. Unda bir qator san’at va madaniyat xodimlari ham taqdirlandi.

Aktyorlar Karim Mirxodiyev va Tohir Saidov, shuningdek, aktrisa Saida Rametova “O‘zbekiston Respublikasi xalq artisti” faxriy unvoni bilan taqdirlandi.

Xonanda Lola va aktrisa Yulduz Rajabova “Doʻstlik” ordeni bilan taqdirlandi.

Shuningdek, O‘zbekiston davlat satira teatri direktori etib tayinlangan, badiiy so‘z ustasi Mirzabek Xolmedov “Mehnat shuhrati” ordeni bilan taqdirlandi.

Madaniyat vaziri va xonanda Ozodbek Nazarbekovga esa “O‘zbekiston Respublikasida xizmat ko‘rsatgan madaniyat xodimi” faxriy unvoni topshirildi.

Ma’lumot uchun, Mustaqillikning 34 yilligi munosabati bilan taqdirlangan madaniyat va san’at xodimlarining toʻliq roʻyxati bilan ushbu havola orqali tanishish mumkin.