Zulfiqor Musoqov Fayzulla Xoʻjayev haqida film suratga olmoqda

Rejissyor Zulfiqor Musoqov siyosiy arbob Fayzulla Xoʻjayev haqida “Tegirmon” nomli film suratga olayotganini ma’lum qildi. Bu haqda u “Oltin Humo” taqdirlash marosimidagi intervyuda gapirdi.

Oʻzbekistonning ilk rahbari hisoblanadigan Fayzulla Xoʻjayev 1896-yil Buxoroda tugʻilgan. U 13 yil davomida Oʻzbekiston SSRni boshqargan, shuningdek, qatagʻonga uchragan.

“Hozir biz „Tegirmon“ nomli katta loyihani boshladik. Bu — tarixiy film, „Tirik tarix“ turkumiga kiradi. Kino buyuk va fojiali hayot kechirgan Oʻzbekiston oʻgʻloni Fayzulla Xoʻjayev hayoti haqida”, — dedi Zulfiqor Musoqov.

Zulfiqor Musoqovning soʻnggi filmi “Umida (Fudziyama haqida tush)” hisoblanadi. Rejissyor bu ishi uchun faoliyati davomidagi ikkinchi “Oltin Humo” mukofotini qoʻlga kiritdi.