Britaniyalik qo‘shiqchi Bonni Tayler vafot etdi

Britaniyalik qo‘shiqchi Bonni Tayler vafot etdi. Bu haqda BBC xonandaning rasmiy saytida e’lon qilingan bayonotga tayanib xabar berdi.

San’atkor 75 yoshda edi. U Portugaliyadagi shifoxonada vafot etgan. Yaqinlari uning o‘limi haqidagi xabardan so‘ng oila shaxsiy hayotini hurmat qilishni so‘ragan.

May oyida Tayler shoshilinch ichak operatsiyasini boshdan kechirgandi. U sun’iy koma holatiga ham tushirilgan.

Yulduzning asl ismi Geynor Hopkins. U 1951-yil 8-iyunda Buyuk Britaniyaning Skuen shahrida tug‘ilgan.

Xonandaning mashhur xitlari orasida “Total Eclipse of the Heart”, “Holding Out for a Hero” va “It's a Heartache” bor. 2026-yilda xonandaning Yevropada 20 dan ortiq konserti bo‘lib o‘tishi kerak edi. Tayler oxirgi marta mart oyida sahnaga chiqqan, o‘shanda san’atkor Londonda konsert bergan.