“O‘rgimchak odam” yulduzi Jeykob Batalon yashirincha tarzda turmush qurdi
E’lon qilingan sana: · 189
“O‘rgimchak odam” filmlaridagi Ned Lids obrazi bilan tanilgan aktyor Jeykob Batalon interyer dizayneri Veronika Leahov bilan turmush qurdi. Juftlik nikoh haqidagi xabarni rasman e’lon qilmagan bo‘lsa-da, bu ma’lumotni People nashri tasdiqladi.
So‘nggi haftalarda Batalon intervyularidan birida Veronikani “rafiqam” deb atagan, Leahov esa internetdagi sahifalarida familiyasini Batalonga o‘zgartirgan. Aktyor, shuningdek, ommaviy tadbirlarda nikoh uzugini taqib ko‘rinish bera boshlagan.
Juftlik 2025-yil mart oyida unashtirilganini e’lon qilgan edi. O‘shanda Batalon Nyu-Yorkdagi romantik taklif suratlarini ijtimoiy tarmoqlarda ulashib, “Hayotimizning qolgan qismi endi birga boshlanadi”, deb yozgandi.