2023-yil iyun oyida O‘zbekiston kinoteatrlarida qanday filmlarni ko‘rish mumkin?
Eslash mumkinki, mart va aprel oylarini blokbasterlar ko’p bo‘lgani uchun maqtagan edik. Endi birinchilikni yozning birinchi oyi egallab oladi. Ha, jiddiy aytayapman, iyun qizg’in bo’lishi kutilmoqda. Ishonmaysizmi? Bunga o’zingiz amin bo’ling.
Человек-паук: Паутина вселенных
Spider-Man: Across the Spider-Verse
Janr: animatsiya, ilmiy fantastika, fantastika, jangari, komediya, sarguzasht, oilaviy.
Premyera sanasi: 1-iyun.
Maylz Moralesning yangi sarguzashtlari haqidagi film byudjeti atigi 100 million dollar bo’ldi. Prognozlar va shov-shuvlarni inobatga oladigan bo’lsak, multfilm chiqarilgan birinchi haftadayoq o’z xarajatlarini qoplaydi. Buni taxmin qilishga ham hojat yo’q.
Sinopsis: Maylz Morales Gven Steysi va kuchli yovuz odamga duch kelishi kerak bo’lgan o’rgimchak-odamlarning yangi jamoasi bilan multi olam bo’ylab sarguzashtga otlanadi.
Переводчик
The Covenant
Janr: jangari, trillar, harbiy.
Premyera sanasi: 1-iyun.
Gay Richi haqiqatan ham to’xtash nimaligini bilmaydi. Yaqinda bo’lib o’tgan “Fortuna operatsiyasi” hali sovib ulgurmasidan britaniyalik rejissyor yangi filmni chiqardi, u ham G’arb kinoprokat industriyasida muvaffaqiyatsizlikka uchradi. Shunga qaramay, film yaxshi reytingga ega, ammo biz uning qanchalik haqiqat ekanligi haqida kelajakda hali gaplashamiz.
Sinopsis: Jon Kinli Afg‘onistondagi pistirmada qanday omon qolganini eslay olmaydi, lekin u o‘z hayoti uchun Ahmed ismli mahalliy tarjimondan qarzdor bo’lib qolganini tushunadi. Aynan u yarador Kinlini hayotga qaytarishga va uni xavfli hudud bo’ylab sudrab bazaga olib kelishga muvaffaq bo’ladi. Endilikda aybdorlik va qarzdorlik hissi Jonni ta’qib qila boshlaydi va u Ahmed hamda uning oilasini qutqarish uchun qaytishga qaror qiladi. Afg’onistonda esa ikkalasi uchun ov e’lon qilingan, u yolg’iz harakat qilishi kerak, lekin u o’rtog’ini muammoga duchor qila olmasligini tushunadi.
Бугимен
The Boogeyman
Janr: horror.
Premyera sanasi: 1-iyun.
“The Boogeyman” — bu Stiven Kingning horror janridagi qissasining kino adaptatsiyasi. Menimcha, bu filmga qiziqish uyg’otish uchun shuning o’zi yetarli. Va agar bu yetarli bo’lmasa, unda yana bir fakt: ushbu film adaptatsiyasi rejissyori Rob Sevij bu hikoyani bolaligida o’qigan va o’qish paytida boshdan kechirgan dahshatlar uning xotirasiga mustahkam muhrlangan.
Sinopsis: O’rta maktab o’quvchisi Sedi Xarper va uning singlisi Soyer onalarining yaqindagi vafotidan qayg’uga tushib qolishadi va o’z yo’qotishini boshdan kechirayotgan otasi, terapevt Uilldan hech qanday yordam bo’lmaydi. Umidsiz bemor kutilmaganda ularning uyiga yordam so’rab kelganida, u oilalarni ovlaydigan va qurbonlarining qo’rquvi bilan oziqlanadigan dahshatli g’ayritabiiy mavjudotni qoldirib ketadi.
Беглец
Kandahar
Janr: jangari, triller.
Premyera sanasi: 1-iyun.
“Bo'shliqqa otilgan o’q” filmining rejissyori Rik Roman Vo o’zining B-toifadagi uchinchi filmida Jerar Batler bilan birga ishladi.
Sinopsis: Markaziy razvedka boshqarmasi agenti Tom Xarris o’z missiyasini bajara olmadi va uning shaxsi oshkor bo’ldi. Endi agent Afg’onistondan qochishi kerak. Uni dunyodagi eng ustamon yollanma askarlar va dushmanning elita maxsus kuchlari ta’qib qilishadi. Qandahorga yetib olish u uchun yagona imkoniyatdir. Bu yerda qahramonni ittifoqchilarning vertolyotlari yoki uning nomi yozilgan o’q kutadi.
Уикенд с батей
About My Father
Janr: komediya.
Premyera sanasi: 1-iyun.
Va Robert De Niro yana o’sha “B” toifadagi komediyada rol o’ynadi. Hozirda bir vaqtlar afsonaviy aktyor hisoblangan ijodkorlar orasida oddiy loyihalarni amalga oshirishga qandaydir g’alati qiziqish mavjud.
Sinopsis: Sebastyan dam olish kunlarini maftunkor rafiqasi Elli va uning oilasi bilan o’zining golf maydoni, hashamatli yaxtasi va hatto shaxsiy tovusi bo’lgan hashamatli oilaviy mulkida o’tkazishni rejalashtirmoqda. Uzoq dam olish kunlari uchun ajoyib reja, lekin Elli Sebastyan o’zining otasi Salvoni taklif qilishni talab qilmoqda. Hammani madaniy shok kutmoqda. Chunki qarindoshlarni tanlab bo’lmaydi, shunday emasmi?
Трансформеры: Восхождение Звероботов
Transformers: Rise of the Beasts
Janr: fantastika, jangari, sarguzasht.
Premyera sanasi: 8-iyun.
Ikkinchi “Krid” filmining rejissyori Stiven Keypl ushbu film uchun mas’ul bo’lgan. Shuningdek, u “Transformerlar: Yangi uchqun” multserialiga ham boshchilik qilgan. Ma’lumot uchun, serial IMDb reytingida 3,8 ballga ega. Nega studiya uni tanladi? Javobsiz qoldirilgan savol. Ammo Keypl yaxshi film ham ishlay oladi, yoki hech bo’lmaganda avtobotlar haqidagi franshizadagi filmlardan ko’ra yaxshiroq ishlay olishiga umid bor.
Sinopsis: 1994-yilda ikki arxeolog Xelena va Nuh maksimallar, predakonlar va terrorkonlar ishtirokidagi qadimiy mojaroga aralashib qolishadi.
Флэш
The Flash
Janr: fantastika, fentezi, jangari, sarguzasht.
Premyera sanasi: 15-iyun.
“Flesh” — bu yilning eng bahsli filmlaridan biri. Birinchidan, tomoshabinlarning bir qismi tomoshadan so’ng uni tanqid bilan qarshilashdi, boshqa qismi esa uni super qahramonlar haqidagi filmlar orasida deyarli eng yaxshi deb atadi. Ikkinchidan, filmni Tom Kruz, Stiven King va Genri Kavil premyeradan ancha oldin tomosha qilishgan va ular filmni maqtashgan. Uchinchidan, film Ezra Millerning hissiy beqarorligi tufayli o’zgacha obro’ga ega. To’rtinchidan, DC Studios yana eskicha yo’l tuta boshladi va treylerning o’zidayoq ajoyib qismlarni sizdirdi. Va buning barchasining boshida “U” dilogiyasi direktori Andres Muskietti turibdi.
Sinopsis: Barri Allen o’tmishni o’zgartirish uchun o’zining super tezligidan foydalanadi, lekin uning oilasini qutqarishga urinishi super qahramonlarsiz dunyoni yuzaga keltiradi.
Элементарно
Elemental
Janr: multfilm, fantastika, fentezi, drama, komediya, sarguzasht, oilaviy.
Premyera sanasi: 15-iyun.
Pixarning yangi multfilmi uchun qisqa metrajli “Облачно с прояснениями” va o’rtacha chiqqan “Yaxshi dinozavr” multfilmini suratga olgan Piter Son mas’ul bo’ldi. Va bu formulada bitta “lekin” bor — tanqidchilar multfilmni juda sust baholashdi. Xo’sh, gap nimada ekanligini premyera kuni ko’ramiz.
Sinopsis: Elementlar shahrida olov, suv, yer va havo aholisi birga yashaydi. Kuchli va olovli Amber bo’shashgan, oqim bo’ylab suzuvchi Ueyd bilan do’stlik tutinadi — bu do’stlik uning atrofidagi dunyo haqidagi g’oyalarga qarshi chiqadi.
Кто убил BlackBerry
BlackBerry
Janr: biografiya, drama, komediya.
Premyera sanasi: 22-iyun.
Bu yerda hammasi oddiy. Bu juda yaxshi reytingga ega bo’lgan bir vaqtlar inqilobiy smartfonning qulashi haqidagi Mett Jonsonning komediyasi. Biz bundan noodatiyroq film kutamiz, chunki so’nggi paytlardagi odatiy biografik dramalar allaqachon jonga tekkan.
Sinopsis: Kanadalik dasturchilar guruhi kompyuter va telefonni bitta qurilmaga birlashtirish uchun aqlga sig’mas g’oyani amalga oshirish uchun hamma narsaga tayyor. Bir kechada butun bozorni zabt etuvchi va yaratuvchilarni milliarderga aylantiradigan dunyodagi birinchi BlackBerry smartfoni mana shunday dunyoga keldi. Ammo bu balandlikda qolish uchun texnologik daho bo’lishning o’zi yetarli emas. Kremniy vodiysining yangi haqiqati va shafqatsiz raqobati qahramonlarni o’zlariga va bir-birlari bilan munosabatlariga bo’lgan ishonchini sinovdan o’tkazadi.
Без обид
No Hard Feelings
Janr: komediya.
Premyera sanasi: 22-iyun.
Bir paytlar afsonaviy “Ofis” serialiga rejissyorlik qilgan Jin Stupnitski Jennifer Lourens ishtirokidagi yangi komediyaga rejissyorlik qildi. Bizda bu film borasida katta kutuvlar yo‘q, lekin treyler juda yaxshi chiqqan.
Sinopsis: Bolaligidagi uyini yo’qotish arafasida bo’lgan yosh Meddi qiziqarli ish taklifiga duch keladi: badavlat ota-ona kollejga ketish arafasidagi 19 yoshli o’g’li Persi bilan “uchrashib yurishi” mumkin bo’lgan odamni qidirishadi. Meddi tez orada qo’pol Persi unchalik ham umidsiz emas ekanligini tushunadi.
Индиана Джонс и колесо судьбы
Indiana Jones and the Dial of Destiny
Janr: jangari, sarguzasht.
Premyera sanasi: 29-iyun.
Xarrison Ford va uning eski oshnasi Indi qaytdi! Va bu yerda ham “Elementlar” haqidagi multfilm bilan bir xil vaziyat. Tanqidchilar boshqacha munosabat bildirishdi. Oldindan bir narsa deyish qiyin, yaxshisi filmni kutaylik: uni Stiven Spilberg emas, balki Jeyms Mengold (“Logan”, “Ford Ferrariga qarshi”) suratga olgan.
Sinopsis: so’nmas sarguzashtchi, izlanuvchan arxeolog-tadqiqotchi hali ham egarda. Bu safar u bir yoki ikki marta hal qilinishi dargumon qiyin vazifaga duch keladi. Ammo Indiana Jons eng umidsiz vaziyatlarda ham taslim bo’lmaydi va ortga chekinmaydi.
Руби Гильман: Приключения кракена-подростка
Ruby Gillman, Teenage Kraken
Janr: multfilm, fentezi, jangari, komediya, sarguzasht, oilaviy.
Premyera sanasi: 29-iyun.
DreamWorks Animation bizni yana ajablantirmoqchi. Multfilm uchun Kirk de Mikko (“Krudslar oilasi”) mas’ul bo’lib, u aslida yaxshi bo’lgan Kraken mahluqlari va yovuz suv parilari haqida hikoya qiladi. Va studiyaning o’tmishdagi muvaffaqiyatli loyihalarini hisobga olgan holda, ushbu loyihaga ham e’tibor qaratish lozim.
Sinopsis: multfilmda ulg’ayishning og’riqli jarayonini boshdan kechirayotgan va haqiqiy Kraken bo’lish qiyinchiliklariga duch kelgan o’smir Rubi haqida hikoya qilinadi. Bundan tashqari, o’smirlik hayoti Chelsi ismli qizaloqda qiyin munosabatlarni keltirib chiqaradi: u mahluqlarni yoqtirmaydigan suv parisi bo’lib chiqadi.
