“O‘zbekfilm” yoshlar uchun bepul o‘quv kurslari tashkil etadi

Kinematografiya agentligi hamda “O‘zbekfilm” kinokonserni tomonidan kino sohasiga qiziquvchi yoshlar uchun zamonaviy kino qurilmalariga xizmat koʻrsatuvchi mutaxassislarni tayyorlash maqsadida bepul o‘quv kurslari tashkil etmoqda.

Qayd etilishicha, mashg‘ulotlar 2024-yil 15-avgustdan ARRI va PANTER xorijiy kompaniyasi mutaxassislari tomonidan oʻtkaziladi.

Bundan tashqari, “O‘zbekfilm” kinokonserni o‘quv kursini tamomlagan yoshlarga sertifikat topshiradi hamda faol ishtirok etib, yaxshi natijaga erishgan o‘quvchi yoshlarni shartnoma asosida ishga qabul qiladi.

Hujjatlar 2024-yil 10-avgustga qadar “O‘zbekfilm” kinokonsernida qabul qilinadi.

Manzil: Chilonzor ko‘chasi, 1-uy. “O‘zbekfilm” binosi.
Murojaat uchun: (+998) 93−386−3282, (+998) 99−834−1112.