Ra'no Shodiyeva Shanxaydagi xalqaro kinofestivalda "Eng yaxshi aktrisa" mukofotini qoʻlga kiritdi

Xitoyning Chongqing shahrida bo‘lib o‘tayotgan Shanxay hamkorlik tashkilotiga a’zo davlatlar kinofestivalida Ra’no Shodiyeva “Bahorni quvib” filmidagi roli uchun “Eng yaxshi aktrisa” mukofotini qoʻlga kiritdi.

“Xursandchiligimni ichimga sigʻdira olmayapman. Shanxaydagi xalqaro kinofestivalda mening kinom va men sovringa loyiq koʻrildim. Rejissyorim Ayub Shahobiddinov bu rolni menga ishongani uchun katta rahmat aytmoqchiman”, — dedi aktrisa.

Ma’lumot uchun, filmda oʻzbek ayoli kechinmalari va insoniy munosabatlar haqida hikoya qilinadi. Ayub Shahobiddinov rejissyorlik qilgan kino uchun ssenariyni yozuvchi va dramaturg Erkin A’zam yozgan.

Shanxay hamkorlik tashkilotiga a’zo davlatlar kinofestivalida kino sohasidagi hamkorlik masalalari bag‘ishlangan maxsus forum, kinonamoyishlar va tanlovlar tashkil etildi.