Ochiq osmon ostida "Sevdo" filmi namoyishi

Milliy kino san’ati saroyining yozgi kinoteatrida rejissyor Hilol Nasimovning “Sevdo” filmi namoyish etiladi.

Filmda mashhur xonanda qizning qotillik qurboni bo‘lishi bilan bog‘liq jinoiy ish tafsilotlari haqida hikoya qilinadi. Shuningdek film, Rossiya, Turkiya davlatlarida hamda O‘zbekiston hududida suratga olingan.

Filmda bosh rolni Aysanem Yusupova ijro etgan. Shuningdek, kartinada Samidxon Lutfullayev, Nigora Karimboyeva, Mashhura Zulfiqorova, Mehriddin Rahmatov, Rustam Karimov, Bahshillo Fatullayev, Boir Holmirzayev, Fotih Nasimov, Odina G‘oziyeva, Shohruh Hamdamov va Davron Karimov kabi mahoratli ijodkorlar suratga tushgan. Ssenariy muallifi va rejissyor — Hilol Nasimov, operator — Umid Malikov.

Kirish bepul.