Milliy kino san’ati saroyida “Online sevgi” badiiy filmi namoyishi boshlanadi

Milliy kino san’ati saroyida 1-sentabrdan “Online sevgi” nomli yangi badiiy filmning namoyishi boshlanadi, deya xabar bermoqda saroy matbuot xizmati.

Film syujeti virtual olamdagi munosabatlar va haqiqiy hayot o‘rtasidagi tafovutni ochib beradi. Asarda markaziy o‘rin shaddod bloger qiz Habiba hamda uning kursdoshi — sodiq va mehnatkash yigit Fayoz munosabatlariga beriladi. Fayoz chin dildan sevgi yo‘lida barcha sinov va to‘siqlarni yengishga tayyor bo‘lsa, Habiba uchun muhabbat ko‘proq o‘yin va vaqtinchalik hissiyot sifatida namoyon bo‘ladi. Shu ikki qarash to‘qnashuvi esa kutilmagan voqealar rivojiga sabab bo‘ladi.

Filmda rollarni Durdona Qurbonova, Bekzod Abdumalikov, Nigora Karimboyeva, Said Muxtorov, Tamara Xazratqulova, Farangiz Abdazova hamda Dilafruz Mameshova kabi mahoratli aktyorlar ijro etgan. Ssenariy muallifi — Sirojiddin Rustamov, postanovkachi rejissyor Akbar Insopov, postanovkachi operator Nortoy Yuldashev.

Milliy kino san’ati saroyida namoyish etiladigan barcha filmlar uchun chiptalarni Afisha.uz saytida tez va oson xarid qilishingiz mumkin.