Noyabrda Oʻzbekiston kinoteatrlaridagi filmlar — 2025
Biz qorli kechalar, gulchambarlar va Mareya Kerining yangi yil haqidagi qoʻshigʻi yana xitga aylanishiga yana bir qadam yaqinlashdik. Hozircha esa sizga bir necha soatga reallikdan chalgʻish va kinoteatrning shinam atmosferasidan qoʻnim topish uchun noyabr oyida premyera qilinadigan o‘n ikkita film haqida ma'lumot beramiz.
Biz qorli kechalar, gulchambarlar va Mareya Kerining yangi yil haqidagi qoʻshigʻi yana xitga aylanishiga yana bir qadam yaqinlashdik. Hozircha esa sizga bir necha soatga reallikdan chalgʻish va kinoteatrning shinam atmosferasidan qoʻnim topish uchun noyabr oyida premyera qilinadigan o‘n ikkita film haqida ma’lumot beramiz.
“Хищник: Планета смерти”
Predator: Badlands
Janr: fantastika, jangari.
Premyera sanasi: 6-noyabr.
“O‘lim sayyorasi” — bu mashhur saganing yangi bosqichi bo‘lib, unda sevimli franshiza noma’lumlik tomon qadam tashlaydi. Ammo loyihani “Добычa” va “Убийца убийц” filmlarini suratga olgan Den Traxtenberg boshqaradi. To‘g‘risini aytganda, rejissyor o‘z ishini biladi va uning qoʻlida “Хищник” haqiqatan ham qayta tiriladi. Film uchun hatto “Avatar” ustida ishlagan tilshunoslar bilan alohida yautj tili ham yaratildi. Intervyuda Traxtenberg biz hali ko‘rmagan yirtqichlarni ko‘rsatmoqchi bo‘lganini tan oldi.
Sinopsis: klandan haydalgan yirtqich Dek xavfli Kalisk sayyorasiga yo‘l oladi. U otasiga va butun qabilaga urug‘ning bir qismi bo‘lishga loyiq ekanini isbotlashga intiladi. Dek sirli qiz Tiyani uchratadi va u bilan birlashadi va birgalikda eng xavfli dushmanni izlashga kirishadi.
“Иллюзия обмана 3”
Now You See Me: Now You Don’t
Janr: triller, jinoiy.
Premyera sanasi: 13-noyabr.
Rejissor Ruben Fleysher (“Venom,” “Zombilendga xush kelibsiz”) filmni “oynada qo‘yilgan tryuk” deb atadi, unda har bir harakat ikki tomonga ega. Agar birinchi qism aldov haqida bo‘lsa, uchinchisi idrok ustidan hukmronlik qilish haqida. Sehr illyuziya emas, balki voqelikni boshqarish san’atiga aylangan. Xullas, bizni sof “fantaziya” kutmoqda. Eski tarkib — Jessi Ayzenberg, Vudi Xarrelson, Ayla Fisher, Deyv Franko va Morgan Friman qaytmoqda, ammo endi ular yangi avlod — Ariana Grinblatt, Jastis Smit va Dominik Sessa bilan ekranni bo‘lishishiga to‘g‘ri keladi. Antagonist rolida — Rozamund Payk.
Sinopsis: “To‘rt chavandoz” bu safar illyuzionistlarning yosh avlodi bilan birga dunyo hali ko‘rmagan aql-bovar qilmas fokuslar, sehr va o‘zgarishlar bilan qaytadi.
“Бегущий человек”
The Running Man
Janr: fantastika, jangari.
Premyera sanasi: 13-noyabr.
1987-yilda suratga olingan va Shvarsnegger bosh rolni ijro etgan antiutopik filmning Edgar Rayt (“Малыш на драйве”, “Скотт Пилигрим против всех”) rejissyorligidagi yangi versiyasi premyera qilinadi. Ha, bu dahshatlar qiroli Stiven King asarining navbatdagi ekranizatsiyasi, lekin biz ulardan hech qachon charchamaymiz. Aytgancha, bu filmni “Zamonaviy “Крепкий орешек” deb nomlashmoqda va bu katta umid beradi. Filmda Glen Pauell, Emiliya Jons, Kolman Domingo, Josh Brolin, Li Peys, Uilyam X. Meysi va Maykl Sera kabi aktyorlar rol ijro etgan.
Sinopsis: yaqin kelajak. Umidsiz ota Ben Richards og‘ir kasal bo‘lgan qizini davolash uchun pul yutib olish umidida “Qochqin odam” shafqatsiz realiti-shousida ishtirok etishga qaror qiladi. G‘alaba qozonish uchun ishtirokchilar 30 kun davomida qotillar guruhi tomonidan ta’qib qilinishi va omon qolishi kerak.
“Я бы тебя пнула, если бы могла”
If I Had Legs I’d Kick You
Janr: drama, komediya.
Premyera sanasi: 20-noyabr.
Mana nihoyat navbat Berlin kinofestivalida e’tirof etilgan A24 loyihasiga ham yetib keldi. Ko‘pchilik bosh rolni ijro etgan Rouz Birn rolini aktrisa faoliyatidagi eng yaxshisi deb atamoqda. U eng yaxshi ayol roli uchun “Kumush ayiq” mukofotini ham qoʻlga kiritgan. Ogohlantirish: loyihani tomosha qilish juda qiyin, bu film “yomon” bo‘lgani uchun emas, balki chiroyli so‘zlar bilan niqoblanmagani uchun. Bu loyihada Konan O‘Brayen va A$AP Rokki ham rol oʻynaganini ta’kidlash lozim.
Sinopsis: Linda qizining sirli kasalligi tufayli qiynalmoqda. Eri dengiz kemasida ishlagani va ko‘pincha uyda bo‘lmagani uchun Linda zond orqali oziqlanadigan bolaga yolg‘iz o‘zi g‘amxo‘rlik qilishga majbur. Qizning davolanishini shifokor nazorat qiladi, u Lindani tibbiy muolajalarni o‘tkazib yuborgani uchun tanqid qiladi. Qiziga bo‘lgan muhabbatiga qaramay, Linda ko‘p vazifalarni bajara olmaydi. Ularning kvartirasi shiftida paydo bo‘lgan katta teshik tufayli qo‘shimcha kuchlanish yuzaga keladi. Oqibatda ona qizi bilan noma’lum muddatga arzon mehmonxonaga ko‘chib o‘tishga majbur boʻladi.
“Злая. Часть 2”
Wicked: For Good
Janr: myuzikl, fentezi, melodrama, oilaviy.
Premyera sanasi: 20-noyabr.
Oradan roppa-rosa bir yil o‘tib, bizni mashhur brodvey myuziklining yakuniy akkordi kutmoqda. Aktyorlar tarkibidagi barcha — Sintiya Erivo, Ariana Grande, Jonatan Beyli, Jeff Goldblum va Mishel Yeo yana rollariga qaytgan. Qariyb 160 kunlik tasvirga olish ishlari, olti tonna sun’iy qor, birgina sahna uchun ekilgan to‘qqiz million haqiqiy lola behuda ketmasligi aniq.
Sinopsis: Elfaba G‘arbning yovuz jodugari sifatida tanilgan va Oz mamlakatining o‘rmonlarida quvilgan. U ovozi bo‘g‘ilgan hayvonlarning huquqlari uchun kurashni davom ettiradi va Sehrgar haqidagi haqiqatni e’lon qilishga harakat qiladi. Sehrgar Glinda ezgulikning ramziga aylanadi, Zumrad shahar saroyida yashaydi va o‘zining mashhurligi afzalliklaridan foydalanadi. Morribl xonimning ko‘rsatmasiga binoan, u Oz aholisi oldida nutq so‘zlab, Sehrgar hukmronligi davridagi barqarorlikka ishontiradi. Glindaning mashhurligi oshgani va shahzoda Fiero bilan to‘yga tayyorgarlik ko‘rayotgani sababli, sehrgar Elfaba bilan munosabatlarini uzishdan xavotirlana boshlaydi. Glindaning Elfa va Sehrgarni yarashtirishga urinishlari muvaffaqiyatsizlikka uchraydi, bu esa ularning mojarosini yanada chuqurlashtiradi.
“Бессмертный: Кровавая дорога домой”
Sisu 2
Janr: jangari.
Premyera sanasi: 20-noyabr.
Yovvoyi shuhratga erishayotgan fin kinosining davomi suratga olindi. Yorma Tommila tomonidan ijro etilgan Aatami personaji endi oilasi uchun qasos olish maqsadida Stiven Lengning o‘zi bilan uchrashadi. Bu esa loyihaning ko‘lami haqida ko‘p narsani bildiradi. Rotten Tomatoes sharhlar agregatori veb-saytida film 95% reytingga ega bo‘lib, 10 balldan o‘rtacha 8,2 ballga loyiq koʻrildi. Aytishlaricha, shafqatsizlik darajasi soniya sayin oshib borgan.
Sinopsis: 1946-yil, sovet-fin chegarasi. Sobiq fin askari nemislar bilan jangdan so‘ng urush paytida oilasi shafqatsizlarcha o‘ldirilgan ona yurtiga qaytadi. Uyni buzib, boshqa joyda qayta qurishga qaror qilib, materiallarni yuk mashinasiga joylashtiradi va yo‘lga otlanadi. Tez orada u oilasini o‘ldirgan sovet qo‘mondoni bilan to‘qnashadi.
“Зверополис 2”
Zootopia 2
Janr: multfilm, jangari, komediya, jinoiy, detektiv, sarguzasht, oilaviy.
Premyera sanasi: 27-noyabr.
Xo‘sh, aziz Disney animatsiyalari shinavandalari, oradan deyarli o‘n yil vaqt o‘tdi, butun bir yangi avlod dunyoga keldi. Ijodkorlar birinchi qismdan ko‘ra kattaroq va hissiy jihatdan yetukroq loyihani va’da qilmoqda. Qo‘shimcha: xonanda Shakira Gazel dublyajiga qaytadi va sikvel uchun yangi qo‘shiq kuylaydi.
Sinopsis: quyon-politsiyachi Judi va tulki Nik sirli sudralib yuruvchi ilonning izidan boradi, uning Zveropolisga kelishi shahar hayotini ostin-ustun qilib yuboradi. Ishni ochish uchun Judi va Nik shaharning turli tumanlarida yashirincha ishlashga majbur bo‘ladi.
“Умри, моя любовь”
Die My Love
Janr: triller, komediya.
Premyera sanasi: 27-noyabr.
Koʻp bora Oltin Palma yaprogʻi mukofotiga ega chiqqan Linn Remsi (“Что-то не так с Кевином”) onalik va halokat mavzusiga qiziqib qoldi. Jennifer Lourens va Robert Pattinson boʻlmaganda, kim bunchalik telbalarcha va chiroyli tarzda azob chekishga qodir edi? Film allaqachon Kann kinofestivalidan o‘tgan va e’tirofga sazovor bo‘lgan, bu mavsumning eng kuchli tajribalaridan biri. Filmga Martin Skorseze prodyuserlik qilgan.
Sinopsis: Greys va Jekson hayotini yangidan boshlash uchun Nyu-Yorkdan Montana tog‘lariga qochib ketadi. Faqat ular va oʻrtasidagi sevgi qoladi. Lekin ehtiros o‘rnini asta-sekin tobelik egallaydi. Ularning yolg‘izlikdagi jannati qo‘rqinchli tushga aylanadi, sevgi va telbalik doim yonma-yon yuradi.
“Стометровка”
Hyakuemu.
Janr: anime, multfilm, drama, sport.
Premyera sanasi: 27-noyabr.
Bir qaraganda, bizga yuguruvchilar haqidagi navbatdagi sport animesining nima keragi bor, degan savol tugʻiladi. Uotoning manga-manbasi (“О движении Земли”) qat’iy uslubi va yoshlar psixologiyasiga chuqur yondashuvi bilan ajralib turadi. Asl manganing ekranizatsiyasi sport mavzusini asosiy planga qoʻymaydi.
Sinopsis: maktab o‘quvchisi Togasi iste’dodli sprinter bo‘lib, bolaligidan 100 metrga yugurishda tengi yo‘q edi. Bir kuni uning maktabiga temir irodali, ammo texnika tomondan oqsaydigan yuguruvchi Komiya keladi. Togasi Komiyani o‘qita boshlaydi va ularning do‘stligi asta-sekin raqobatga aylanadi. Yillar o‘tib, ular haqiqatan ham kim tezroq ekanini aniqlash uchun yana uchrashadi.
“Сожалею о тебе”
Regretting You
Janr: drama, melodrama.
Premyera sanasi: 27-noyabr.
Koʻpchilik uchun sevimli filmga aylangan “Yulduzlar aybdor"ning rejissyori Josh Bun yozuvchi Kolin Guverning bestselleri — yo‘qotish va sirlar odamni qanday vayron qilishi hamda ular orqali oʻzlikni topishga urinish haqidagi hikoyani ekranlashtirdi. Bosh rollarni Ellison Uilyams, Makkenna Greys, Deyv Franko, Meyson Temz va Skott Istvud ijro etgan.
Sinopsis: Morgan va uning o‘n olti yoshli qizi Klara bir-biriga o‘xshamaslikni xohlaydi. Ona qizi oʻzining yoshlikdagi xatolarini takrorlashidan qo‘rqadi. Qizi esa erksevar, qaysar, o‘z yo‘lidan ketishni xohlaydi. Shaxsiy fojia natijasida ularning tinchligi buziladi va ona tasalli izlab, uzoq yillik do‘sti bilan yaqinlashadi, Klara esa mahalliy bezori bilan tanishadi.
