“O‘rgimchak odam: yangi kun” ilk dam olish kunlarida “Qasoskorlar” rekordini yangiladi

Marvel va Sony’ning “O‘rgimchak odam: yangi kun” filmi AQSh prokatidagi ilk dam olish kunlarida 360 million dollar yig‘ib, mamlakat tarixidagi eng yuqori debyut natijasini qayd etdi.

Yangilangan ma’lumotlarga ko‘ra, film shu tariqa 2019-yilda “Qasoskorlar: Intiho” o‘rnatgan 357 million dollarlik rekordni ortda qoldirdi. Avvalroq dastlabki hisob-kitoblarda kartina 355 million dollar yig‘gani haqida xabar berilgandi.

Tuzatilgan statistikaga ko‘ra, filmning jahon prokatidagi umumiy yig‘imi 932 million dollarga yetgan. Taqqoslash uchun, “Qasoskorlar: Intiho” ilk dam olish kunlarida dunyo bo‘ylab 1,2 milliard dollar yig‘gan.

Filmda Tom Holland, Zendaya, Jon Bernthal, Sedi Sink va boshqa aktyorlar rol ijro etgan. Kartinaga Destin Deniyel Kretton rejissyorlik qilgan.